Iacobi (James) 2 :: Latin Vulgate (VUL)

Jas 2:1fratres mei nolite in personarum acceptione habere fidem Domini nostri Iesu Christi gloriae

Jas 2:2etenim si introierit in conventu vestro vir aureum anulum habens in veste candida introierit autem et pauper in sordido habitu

Jas 2:3

Jas 2:3et intendatis in eum qui indutus est veste praeclara et dixeritis tu sede hic bene pauperi autem dicatis tu sta illic aut sede sub scabillo pedum meorum

Jas 2:4

Jas 2:4nonne iudicatis apud vosmet ipsos et facti estis iudices cogitationum iniquarum

Jas 2:5

Jas 2:5audite fratres mei dilectissimi nonne Deus elegit pauperes in hoc mundo divites in fide et heredes regni quod repromisit Deus diligentibus se

Jas 2:6

Jas 2:6vos autem exhonorastis pauperem nonne divites per potentiam opprimunt vos et ipsi trahunt vos ad iudicia

Jas 2:7

Jas 2:7nonne ipsi blasphemant bonum nomen quod invocatum est super vos

Jas 2:8

Jas 2:8si tamen legem perficitis regalem secundum scripturas diliges proximum tuum sicut te ipsum bene facitis

Jas 2:9

Jas 2:9si autem personas accipitis peccatum operamini redarguti a lege quasi transgressores

Jas 2:10

Jas 2:10quicumque autem totam legem servaverit offendat autem in uno factus est omnium reus

Jas 2:11

Jas 2:11qui enim dixit non moechaberis dixit et non occides quod si non moechaberis occides autem factus es transgressor legis

Jas 2:12

Jas 2:12sic loquimini et sic facite sicut per legem libertatis incipientes iudicari

Jas 2:13

Jas 2:13iudicium enim sine misericordia illi qui non fecit misericordiam superexultat autem misericordia iudicio

(cf. Gen 22; Jos 2 )

Jas 2:14

Jas 2:14quid proderit fratres mei si fidem quis dicat se habere opera autem non habeat numquid poterit fides salvare eum

Jas 2:15

Jas 2:15si autem frater aut soror nudi sunt et indigent victu cotidiano

Jas 2:16

Jas 2:16dicat autem aliquis de vobis illis ite in pace calefacimini et saturamini non dederitis autem eis quae necessaria sunt corporis quid proderit

Jas 2:17

Jas 2:17sic et fides si non habeat opera mortua est in semet ipsam

Jas 2:18

Jas 2:18sed dicet quis tu fidem habes et ego opera habeo ostende mihi fidem tuam sine operibus et ego ostendam tibi ex operibus fidem meam

Jas 2:19

Jas 2:19tu credis quoniam unus est Deus bene facis et daemones credunt et contremescunt

Jas 2:20

Jas 2:20vis autem scire o homo inanis quoniam fides sine operibus otiosa est

Jas 2:21

Jas 2:21Abraham pater noster nonne ex operibus iustificatus est offerens Isaac filium suum super altare

Jas 2:22

Jas 2:22vides quoniam fides cooperabatur operibus illius et ex operibus fides consummata est

Jas 2:23

Jas 2:23et suppleta est scriptura dicens credidit Abraham Deo et reputatum est illi ad iustitiam et amicus Dei appellatus est

Jas 2:24

Jas 2:24videtis quoniam ex operibus iustificatur homo et non ex fide tantum

Jas 2:25

Jas 2:25similiter autem et Raab meretrix nonne ex operibus iustificata est suscipiens nuntios et alia via eiciens

Jas 2:26

Jas 2:26sicut enim corpus sine spiritu emortuum est ita et fides sine operibus mortua est

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.