Isaiæ (Isaiah) 8 :: Latin Vulgate (VUL)

Isa 8:1

Isa 8:1et dixit Dominus ad me sume tibi librum grandem et scribe in eo stilo hominis Velociter spolia detrahe Cito praedare

Isa 8:2

Isa 8:2et adhibui mihi testes fideles Uriam sacerdotem et Zacchariam filium Barachiae

Isa 8:3

Isa 8:3et accessi ad prophetissam et concepit et peperit filium et dixit Dominus ad me voca nomen eius Adcelera spolia detrahere Festina praedari

Isa 8:4

Isa 8:4quia antequam sciat puer vocare patrem suum et matrem suam auferetur fortitudo Damasci et spolia Samariae coram rege Assyriorum

Isa 8:5

Isa 8:5et adiecit Dominus loqui ad me adhuc dicens

Isa 8:6

Isa 8:6pro eo quod abiecit populus iste aquas Siloae quae vadunt cum silentio et adsumpsit magis Rasin et filium Romeliae

Isa 8:7

Isa 8:7propter hoc ecce Dominus adducet super eos aquas Fluminis fortes et multas regem Assyriorum et omnem gloriam eius et ascendet super omnes rivos eius et fluet super universas ripas eius

Isa 8:8

Isa 8:8et ibit per Iudam inundans et transiens usque ad collum veniet et erit extensio alarum eius implens latitudinem terrae tuae o Emmanuhel

Isa 8:9

Isa 8:9congregamini populi et vincimini et audite universae procul terrae confortamini et vincimini accingite vos et vincimini

Isa 8:10

Isa 8:10inite consilium et dissipabitur loquimini verbum et non fiet quia nobiscum Deus

Isa 8:11

Isa 8:11haec enim ait Dominus ad me sicut in forti manu erudivit me ne irem in via populi huius dicens

Isa 8:12

Isa 8:12non dicatis coniuratio omnia enim quae loquitur populus iste coniuratio est et timorem eius ne timeatis neque paveatis

Isa 8:13

Isa 8:13Dominum exercituum ipsum sanctificate ipse pavor vester et ipse terror vester

Isa 8:14

Isa 8:14et erit vobis in sanctificationem in lapidem autem offensionis et in petram scandali duabus domibus Israhel in laqueum et in ruinam habitantibus Hierusalem

Isa 8:15

Isa 8:15et offendent ex eis plurimi et cadent et conterentur et inretientur et capientur

Isa 8:16

Isa 8:16liga testimonium signa legem in discipulis meis

Isa 8:17

Isa 8:17et expectabo Dominum qui abscondit faciem suam a domo Iacob et praestolabor eum

Isa 8:18

Isa 8:18ecce ego et pueri quos mihi dedit Dominus in signum et in portentum Israhelis a Domino exercituum qui habitat in monte Sion

Isa 8:19

Isa 8:19et cum dixerint ad vos quaerite a pythonibus et a divinis qui stridunt in incantationibus suis numquid non populus a Deo suo requirit pro vivis a mortuis

Isa 8:20

Isa 8:20ad legem magis et ad testimonium quod si non dixerint iuxta verbum hoc non erit eis matutina lux

Isa 8:21

Isa 8:21et transibit per eam corruet et esuriet et cum esurierit irascetur et maledicet regi suo et Deo suo et suspiciet sursum

Isa 8:22

Isa 8:22et ad terram intuebitur et ecce tribulatio et tenebrae dissolutio angustia et caligo persequens et non poterit avolare de angustia sua

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.