Isaiæ (Isaiah) 65 :: Latin Vulgate (VUL)

Isa 65:1

Isa 65:1quaesierunt me qui ante non interrogabant invenerunt qui non quaesierunt me dixi ecce ego ecce ego ad gentem quae non vocabat nomen meum

Isa 65:2

Isa 65:2expandi manus meas tota die ad populum incredulum qui graditur in via non bona post cogitationes suas

Isa 65:3

Isa 65:3populus qui ad iracundiam provocat me ante faciem meam semper qui immolant in hortis et sacrificant super lateres

Isa 65:4

Isa 65:4qui habitant in sepulchris et in delubris idolorum dormiunt qui comedunt carnem suillam et ius profanum in vasis eorum

Isa 65:5

Isa 65:5qui dicunt recede a me non adpropinques mihi quia inmundus es isti fumus erunt in furore meo ignis ardens tota die

Isa 65:6

Isa 65:6ecce scriptum est coram me non tacebo sed reddam et retribuam in sinu eorum

Isa 65:7

Isa 65:7iniquitates vestras et iniquitates patrum vestrorum simul dicit Dominus qui sacrificaverunt super montes et super colles exprobraverunt mihi et remetiar opus eorum primum in sinu eorum

Isa 65:8

Isa 65:8haec dicit Dominus quomodo si inveniatur granum in botro et dicatur ne dissipes illud quoniam benedictio est sic faciam propter servos meos ut non disperdam totum

Isa 65:9

Isa 65:9et educam de Iacob semen et de Iuda possidentem montes meos et hereditabunt eam electi mei et servi mei habitabunt ibi

Isa 65:10

Isa 65:10et erunt campestria in caulas gregum et vallis Achor in cubile armentorum populo meo qui requisierunt me

Isa 65:11

Isa 65:11et vos qui dereliquistis Dominum qui obliti estis montem sanctum meum qui ponitis Fortunae mensam et libatis super eam

Isa 65:12

Isa 65:12numerabo vos in gladio et omnes in caede corruetis pro eo quod vocavi et non respondistis locutus sum et non audistis et faciebatis malum in oculis meis et quae nolui elegistis

Isa 65:13

Isa 65:13propter hoc haec dicit Dominus Deus ecce servi mei comedent et vos esurietis ecce servi mei bibent et vos sitietis

Isa 65:14

Isa 65:14ecce servi mei laetabuntur et vos confundemini ecce servi mei laudabunt prae exultatione cordis et vos clamabitis prae dolore cordis et prae contritione spiritus ululabitis

Isa 65:15

Isa 65:15et dimittetis nomen vestrum in iuramentum electis meis et interficiet te Dominus Deus et servos suos vocabit nomine alio

Isa 65:16

Isa 65:16in quo qui benedictus est super terram benedicetur in Deo amen et qui iurat in terra iurabit in Deo amen quia oblivioni traditae sunt angustiae priores et quia absconditae sunt ab oculis nostris

Isa 65:17

Isa 65:17ecce enim ego creo caelos novos et terram novam et non erunt in memoria priora et non ascendent super cor

Isa 65:18

Isa 65:18sed gaudebitis et exultabitis usque in sempiternum in his quae ego creo quia ecce ego creo Hierusalem exultationem et populum eius gaudium

Isa 65:19

Isa 65:19et exultabo in Hierusalem et gaudebo in populo meo et non audietur in eo ultra vox fletus et vox clamoris

Isa 65:20

Isa 65:20non erit ibi amplius infans dierum et senex qui non impleat dies suos quoniam puer centum annorum morietur et peccator centum annorum maledictus erit

Isa 65:21

Isa 65:21et aedificabunt domos et habitabunt et plantabunt vineas et comedent fructum earum

Isa 65:22

Isa 65:22non aedificabunt et alius habitabit non plantabunt et alius comedet secundum dies enim ligni erunt dies populi mei et opera manuum eorum inveterabunt

Isa 65:23

Isa 65:23electis meis non laborabunt frustra neque generabunt in conturbatione quia semen benedictorum Domini est et nepotes eorum cum eis

Isa 65:24

Isa 65:24eritque antequam clament ego exaudiam adhuc illis loquentibus ego audiam

Isa 65:25

Isa 65:25lupus et agnus pascentur simul et leo et bos comedent paleas et serpenti pulvis panis eius non nocebunt neque occident in omni monte sancto meo dicit Dominus

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.