Isaiæ (Isaiah) 64 :: Latin Vulgate (VUL)

Isa 64:1utinam disrumperes caelos et descenderes a facie tua montes defluerent

Isa 64:2sicut exustio ignis tabescerent aquae arderent igni ut notum fieret nomen tuum inimicis tuis a facie tua gentes turbarentur

Isa 64:3

Isa 64:3cum feceris mirabilia non sustinebimus descendisti et a facie tua montes defluxerunt

Isa 64:4

Isa 64:4a saeculo non audierunt neque auribus perceperunt oculus non vidit Deus absque te quae praeparasti expectantibus te

Isa 64:5

Isa 64:5occurristi laetanti et facienti iustitiam in viis tuis recordabuntur tui ecce tu iratus es et peccavimus in ipsis fuimus semper et salvabimur

Isa 64:6

Isa 64:6et facti sumus ut inmundus omnes nos quasi pannus menstruatae universae iustitiae nostrae et cecidimus quasi folium universi et iniquitates nostrae quasi ventus abstulerunt nos

Isa 64:7

Isa 64:7non est qui invocet nomen tuum qui consurgat et teneat te abscondisti faciem tuam a nobis et adlisisti nos in manu iniquitatis nostrae

Isa 64:8

Isa 64:8et nunc Domine pater noster es tu nos vero lutum et fictor noster et opera manuum tuarum omnes nos

Isa 64:9

Isa 64:9ne irascaris Domine satis et ne ultra memineris iniquitatis ecce respice populus tuus omnes nos

Isa 64:10

Isa 64:10civitas sancti tui facta est deserta Sion deserta facta est Hierusalem desolata

Isa 64:11

Isa 64:11domus sanctificationis nostrae et gloriae nostrae ubi laudaverunt te patres nostri facta est in exustionem ignis et omnia desiderabilia nostra versa sunt in ruinas

Isa 64:12

Isa 64:12numquid super his continebis te Domine tacebis et adfliges nos vehementer

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.