Isaiæ (Isaiah) 55 :: Latin Vulgate (VUL)

Isa 55:1

Isa 55:1o omnes sitientes venite ad aquas et qui non habetis argentum properate emite et comedite venite emite absque argento et absque ulla commutatione vinum et lac

Isa 55:2

Isa 55:2quare adpenditis argentum non in panibus et laborem vestrum non in saturitate audite audientes me et comedite bonum et delectabitur in crassitudine anima vestra

Isa 55:3

Isa 55:3inclinate aurem vestram et venite ad me audite et vivet anima vestra et feriam vobis pactum sempiternum misericordias David fideles

Isa 55:4

Isa 55:4ecce testem populis dedi eum ducem ac praeceptorem gentibus

Isa 55:5

Isa 55:5ecce gentem quam nesciebas vocabis et gentes quae non cognoverunt te ad te current propter Dominum Deum tuum et Sanctum Israhel quia glorificavit te

Isa 55:6

Isa 55:6quaerite Dominum dum inveniri potest invocate eum dum prope est

Isa 55:7

Isa 55:7derelinquat impius viam suam et vir iniquus cogitationes suas et revertatur ad Dominum et miserebitur eius et ad Deum nostrum quoniam multus est ad ignoscendum

Isa 55:8

Isa 55:8non enim cogitationes meae cogitationes vestrae neque viae vestrae viae meae dicit Dominus

Isa 55:9

Isa 55:9quia sicut exaltantur caeli a terra sic exaltatae sunt viae meae a viis vestris et cogitationes meae a cogitationibus vestris

Isa 55:10

Isa 55:10et quomodo descendit imber et nix de caelo et illuc ultra non revertitur sed inebriat terram et infundit eam et germinare eam facit et dat semen serenti et panem comedenti

Isa 55:11

Isa 55:11sic erit verbum meum quod egredietur de ore meo non revertetur ad me vacuum sed faciet quaecumque volui et prosperabitur in his ad quae misi illud

Isa 55:12

Isa 55:12quia in laetitia egrediemini et in pace deducemini montes et colles cantabunt coram vobis laudem et omnia ligna regionis plaudent manu

Isa 55:13

Isa 55:13pro saliunca ascendet abies et pro urtica crescet myrtus et erit Dominus nominatus in signum aeternum quod non auferetur

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.