Isaiæ (Isaiah) 48 :: Latin Vulgate (VUL)

Isa 48:1

Isa 48:1audite hoc domus Iacob qui vocamini nomine Israhel et de aquis Iuda existis qui iuratis in nomine Domini et Dei Israhel recordamini non in veritate neque in iustitia

Isa 48:2

Isa 48:2de civitate enim sancta vocati sunt et super Deum Israhel constabiliti sunt Dominus exercituum nomen eius

Isa 48:3

Isa 48:3priora ex tunc adnuntiavi et ex ore meo exierunt et audita feci ea repente operatus sum et venerunt

Isa 48:4

Isa 48:4scivi enim quia durus es tu et nervus ferreus cervix tua et frons tua aerea

Isa 48:5

Isa 48:5praedixi tibi ex tunc antequam venirent indicavi tibi ne forte diceres idola mea fecerunt haec et sculptilia mea et conflatilia mandaverunt ista

Isa 48:6

Isa 48:6quae audisti vide omnia vos autem non adnuntiastis audita feci tibi nova ex nunc et conservata quae nescis

Isa 48:7

Isa 48:7nunc creata sunt et non ex tunc et ante diem et non audisti ea ne forte dicas ecce cognovi ea

Isa 48:8

Isa 48:8neque audisti neque cognovisti neque ex tunc aperta est auris tua scio enim quia praevaricans praevaricabis et transgressorem ex ventre vocavi te

Isa 48:9

Isa 48:9propter nomen meum longe faciam furorem meum et laude mea infrenabo te ne intereas

Isa 48:10

Isa 48:10ecce excoxi te sed non quasi argentum elegi te in camino paupertatis

Isa 48:11

Isa 48:11propter me propter me faciam ut non blasphemer et gloriam meam alteri non dabo

Isa 48:12

Isa 48:12audi me Iacob et Israhel quem ego voco ego ipse ego primus et ego novissimus

Isa 48:13

Isa 48:13manus quoque mea fundavit terram et dextera mea mensa est caelos ego vocabo eos et stabunt simul

Isa 48:14

Isa 48:14congregamini omnes vos et audite quis de eis adnuntiavit haec Dominus dilexit eum faciet voluntatem suam in Babylone et brachium suum in Chaldeis

Isa 48:15

Isa 48:15ego ego locutus sum et vocavi eum adduxi eum et directa est via eius

Isa 48:16

Isa 48:16accedite ad me et audite hoc non a principio in abscondito locutus sum ex tempore antequam fieret ibi eram et nunc Dominus Deus misit me et spiritus eius

Isa 48:17

Isa 48:17haec dicit Dominus redemptor tuus Sanctus Israhel ego Dominus Deus tuus docens te utilia gubernans te in via qua ambulas

Isa 48:18

Isa 48:18utinam adtendisses mandata mea facta fuisset sicut flumen pax tua et iustitia tua sicut gurgites maris

Isa 48:19

Isa 48:19et fuisset quasi harena semen tuum et stirps uteri tui ut lapilli eius non interisset et non fuisset adtritum nomen eius a facie mea

Isa 48:20

Isa 48:20egredimini de Babylone fugite a Chaldeis in voce exultationis adnuntiate auditum facite hoc efferte illud usque ad extrema terrae dicite redemit Dominus servum suum Iacob

Isa 48:21

Isa 48:21non sitierunt in deserto cum educeret eos aquam de petra produxit eis et scidit petram et fluxerunt aquae

Isa 48:22

Isa 48:22non est pax dicit Dominus impiis

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.