Isaiæ (Isaiah) 46 :: Latin Vulgate (VUL)

Isa 46:1

Isa 46:1conflatus est Bel contritus est Nabo facta sunt simulacra eorum bestiis et iumentis onera vestra gravi pondere usque ad lassitudinem

Isa 46:2

Isa 46:2contabuerunt et contrita sunt simul non potuerunt salvare portantem et anima eorum in captivitatem ibit

Isa 46:3

Isa 46:3audite me domus Iacob et omne residuum domus Israhel qui portamini a meo utero qui gestamini a mea vulva

Isa 46:4

Isa 46:4usque ad senectam ego ipse et usque ad canos ego portabo ego feci et ego feram et ego portabo et salvabo

Isa 46:5

Isa 46:5cui adsimilastis me et adaequastis et conparastis me et fecistis similem

Isa 46:6

Isa 46:6qui confertis aurum de sacculo et argentum statera ponderatis conducentes aurificem ut faciat deum et procidunt et adorant

Isa 46:7

Isa 46:7portant illud in umeris gestantes et ponentes in loco suo et stabit ac de loco suo non movebitur sed et cum clamaverint ad eum non audiet de tribulatione non salvabit eos

Isa 46:8

Isa 46:8mementote istud et fundamini redite praevaricatores ad cor

Isa 46:9

Isa 46:9recordamini prioris saeculi quoniam ego sum Deus et non est ultra Deus nec est similis mei

Isa 46:10

Isa 46:10adnuntians ab exordio novissimum et ab initio quae necdum facta sunt dicens consilium meum stabit et omnis voluntas mea fiet

Isa 46:11

Isa 46:11vocans ab oriente avem et de terra longinqua virum voluntatis meae et locutus sum et adducam illud creavi et faciam illud

Isa 46:12

Isa 46:12audite me duro corde qui longe estis a iustitia

Isa 46:13

Isa 46:13prope feci iustitiam meam non elongabitur et salus mea non morabitur dabo in Sion salutem et Israheli gloriam meam

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.