Isaiæ (Isaiah) 45 :: Latin Vulgate (VUL)

Isa 45:1

Isa 45:1haec dicit Dominus christo meo Cyro cuius adprehendi dexteram ut subiciam ante faciem eius gentes et dorsa regum vertam et aperiam coram eo ianuas et portae non cludentur

Isa 45:2

Isa 45:2ego ante te ibo et gloriosos terrae humiliabo portas aereas conteram et vectes ferreos confringam

Isa 45:3

Isa 45:3et dabo tibi thesauros absconditos et arcana secretorum ut scias quia ego Dominus qui voco nomen tuum Deus Israhel

Isa 45:4

Isa 45:4propter servum meum Iacob et Israhel electum meum et vocavi te in nomine tuo adsimilavi te et non cognovisti me

Isa 45:5

Isa 45:5ego Dominus et non est amplius extra me non est deus accinxi te et non cognovisti me

Isa 45:6

Isa 45:6ut sciant hii qui ab ortu solis et qui ab occidente quoniam absque me non est ego Dominus et non est alter

Isa 45:7

Isa 45:7formans lucem et creans tenebras faciens pacem et creans malum ego Dominus faciens omnia haec

Isa 45:8

Isa 45:8rorate caeli desuper et nubes pluant iustum aperiatur terra et germinet salvatorem et iustitia oriatur simul ego Dominus creavi eum

Isa 45:9

Isa 45:9vae qui contradicit fictori suo testa de samiis terrae numquid dicet lutum figulo suo quid facis et opus tuum absque manibus est

Isa 45:10

Isa 45:10vae qui dicit patri quid generas et mulieri quid parturis

Isa 45:11

Isa 45:11haec dicit Dominus Sanctus Israhel plastes eius ventura interrogate me super filios meos et super opus manuum mearum mandastis mihi

Isa 45:12

Isa 45:12ego feci terram et hominem super eam creavi ego manus meae tetenderunt caelos et omni militiae eorum mandavi

Isa 45:13

Isa 45:13ego suscitavi eum ad iustitiam et omnes vias eius dirigam ipse aedificabit civitatem meam et captivitatem meam dimittet non in pretio neque in muneribus dicit Dominus Deus exercituum

Isa 45:14

Isa 45:14haec dicit Dominus labor Aegypti et negotiatio Aethiopiae et Sabaim viri sublimes ad te transibunt et tui erunt post te ambulabunt vincti manicis pergent et te adorabunt teque deprecabuntur tantum in te est Deus et non est absque te deus

Isa 45:15

Isa 45:15vere tu es Deus absconditus Deus Israhel salvator

Isa 45:16

Isa 45:16confusi sunt et erubuerunt omnes simul abierunt in confusione fabricatores errorum

Isa 45:17

Isa 45:17Israhel salvatus est in Domino salute aeterna non confundemini et non erubescetis usque in saeculum saeculi

Isa 45:18

Isa 45:18quia haec dicit Dominus creans caelos ipse Deus formans terram et faciens eam ipse plastes eius non in vanum creavit eam ut habitetur formavit eam ego Dominus et non est alius

Isa 45:19

Isa 45:19non in abscondito locutus sum in loco terrae tenebroso non dixi semini Iacob frustra quaerite me ego Dominus loquens iustitiam adnuntians recta

Isa 45:20

Isa 45:20congregamini et venite et accedite simul qui salvati estis ex gentibus nescierunt qui levant lignum sculpturae suae et rogant deum non salvantem

Isa 45:21

Isa 45:21adnuntiate et venite et consiliamini simul quis auditum fecit hoc ab initio ex tunc praedixit illud numquid non ego Dominus et non est ultra Deus absque me Deus iustus et salvans non est praeter me

Isa 45:22

Isa 45:22convertimini ad me et salvi eritis omnes fines terrae quia ego Deus et non est alius

Isa 45:23

Isa 45:23in memet ipso iuravi egredietur de ore meo iustitiae verbum et non revertetur quia mihi curvabunt omnia genu et iurabit omnis lingua

Isa 45:24

Isa 45:24ergo in Domino dicet meae sunt iustitiae et imperium ad eum venient et confundentur omnes qui repugnant ei

Isa 45:25

Isa 45:25in Domino iustificabitur et laudabitur omne semen Israhel

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.