Isaiæ (Isaiah) 40 :: Latin Vulgate (VUL)

(cf. Luk 3:4–6 )

Isa 40:1consolamini consolamini populus meus dicit Deus vester

Isa 40:2loquimini ad cor Hierusalem et avocate eam quoniam conpleta est malitia eius dimissa est iniquitas illius suscepit de manu Domini duplicia pro omnibus peccatis suis

Isa 40:3

Isa 40:3vox clamantis in deserto parate viam Domini rectas facite in solitudine semitas Dei nostri

Isa 40:4

Isa 40:4omnis vallis exaltabitur et omnis mons et collis humiliabitur et erunt prava in directa et aspera in vias planas

Isa 40:5

Isa 40:5et revelabitur gloria Domini et videbit omnis caro pariter quod os Domini locutum est

Isa 40:6

Isa 40:6vox dicentis clama et dixi quid clamabo omnis caro faenum et omnis gloria eius quasi flos agri

Isa 40:7

Isa 40:7exsiccatum est faenum et cecidit flos quia spiritus Domini sufflavit in eo vere faenum est populus

Isa 40:8

Isa 40:8exsiccatum est faenum cecidit flos verbum autem Dei nostri stabit in aeternum

Isa 40:9

Isa 40:9super montem excelsum ascende tu quae evangelizas Sion exalta in fortitudine vocem tuam quae evangelizas Hierusalem exalta noli timere dic civitatibus Iudae ecce Deus vester

Isa 40:10

Isa 40:10ecce Dominus Deus in fortitudine veniet et brachium eius dominabitur ecce merces eius cum eo et opus illius coram eo

Isa 40:11

Isa 40:11sicut pastor gregem suum pascet in brachio suo congregabit agnos et in sinu suo levabit fetas ipse portabit

Isa 40:12

Isa 40:12quis mensus est pugillo aquas et caelos palmo ponderavit quis adpendit tribus digitis molem terrae et libravit in pondere montes et colles in statera

Isa 40:13

Isa 40:13quis adiuvit spiritum Domini aut quis consiliarius eius fuit et ostendit illi

Isa 40:14

Isa 40:14cum quo iniit consilium et instruxit eum et docuit eum semitam iustitiae et erudivit eum scientiam et viam prudentiae ostendit illi

Isa 40:15

Isa 40:15ecce gentes quasi stilla situlae et quasi momentum staterae reputatae sunt ecce insulae quasi pulvis exiguus

Isa 40:16

Isa 40:16et Libanus non sufficiet ad succendendum et animalia eius non sufficient ad holocaustum

Isa 40:17

Isa 40:17omnes gentes quasi non sint sic sunt coram eo et quasi nihilum et inane reputatae sunt ei

Isa 40:18

Isa 40:18cui ergo similem fecistis Deum aut quam imaginem ponetis ei

Isa 40:19

Isa 40:19numquid sculptile conflavit faber aut aurifex auro figuravit illud et lamminis argenteis argentarius

Isa 40:20

Isa 40:20forte lignum et inputribile elegit artifex sapiens quaerit quomodo statuat simulacrum quod non moveatur

Isa 40:21

Isa 40:21numquid non scietis numquid non audietis numquid non adnuntiatum est ab initio vobis numquid non intellexistis fundamenta terrae

Isa 40:22

Isa 40:22qui sedet super gyrum terrae et habitatores eius sunt quasi lucustae qui extendit velut nihilum caelos et expandit eos sicut tabernaculum ad inhabitandum

Isa 40:23

Isa 40:23qui dat secretorum scrutatores quasi non sint iudices terrae velut inane fecit

Isa 40:24

Isa 40:24et quidem neque plantatos neque satos neque radicato in terra trunco eorum repente flavit in eos et aruerunt et turbo quasi stipulam auferet eos

Isa 40:25

Isa 40:25et cui adsimilastis me et adaequastis dicit Sanctus

Isa 40:26

Isa 40:26levate in excelsum oculos vestros et videte quis creavit haec qui educit in numero militiam eorum et omnes ex nomine vocat prae multitudine fortitudinis et roboris virtutisque eius neque unum reliquum fuit

Isa 40:27

Isa 40:27quare dicis Iacob et loqueris Israhel abscondita est via mea a Domino et a Deo meo iudicium meum transibit

Isa 40:28

Isa 40:28numquid nescis aut non audisti Deus sempiternus Dominus qui creavit terminos terrae non deficiet neque laborabit nec est investigatio sapientiae eius

Isa 40:29

Isa 40:29qui dat lasso virtutem et his qui non sunt fortitudinem et robur multiplicat

Isa 40:30

Isa 40:30deficient pueri et laborabunt et iuvenes in infirmitate cadent

Isa 40:31

Isa 40:31qui autem sperant in Domino mutabunt fortitudinem adsument pinnas sicut aquilae current et non laborabunt ambulabunt et non deficient

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.