Isaiæ (Isaiah) 35 :: Latin Vulgate (VUL)

Isa 35:1laetabitur deserta et invia et exultabit solitudo et florebit quasi lilium

Isa 35:2germinans germinabit et exultabit laetabunda et laudans gloria Libani data est ei decor Carmeli et Saron ipsi videbunt gloriam Domini et decorem Dei nostri

Isa 35:3

Isa 35:3confortate manus dissolutas et genua debilia roborate

Isa 35:4

Isa 35:4dicite pusillanimis confortamini nolite timere ecce Deus vester ultionem adducet retributionis Deus ipse veniet et salvabit vos

Isa 35:5

Isa 35:5tunc aperientur oculi caecorum et aures surdorum patebunt

Isa 35:6

Isa 35:6tunc saliet sicut cervus claudus et aperta erit lingua mutorum quia scissae sunt in deserto aquae et torrentes in solitudine

Isa 35:7

Isa 35:7et quae erat arida in stagnum et sitiens in fontes aquarum in cubilibus in quibus prius dracones habitabant orietur viror calami et iunci

Isa 35:8

Isa 35:8et erit ibi semita et via et via sancta vocabitur non transibit per eam pollutus et haec erit nobis directa via ita ut stulti non errent per eam

Isa 35:9

Isa 35:9non erit ibi leo et mala bestia non ascendet per eam nec invenietur ibi et ambulabunt qui liberati fuerint

Isa 35:10

Isa 35:10et redempti a Domino convertentur et venient in Sion cum laude et laetitia sempiterna super caput eorum gaudium et laetitiam obtinebunt et fugiet dolor et gemitus

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.