Isaiæ (Isaiah) 34 :: Latin Vulgate (VUL)

Isa 34:1accedite gentes et audite et populi adtendite audiat terra et plenitudo eius orbis et omne germen eius

Isa 34:2quia indignatio Domini super omnes gentes et furor super universam militiam eorum interfecit eos et dedit eos in occisionem

Isa 34:3

Isa 34:3interfecti eorum proicientur et de cadaveribus eorum ascendet fetor tabescent montes sanguine eorum

Isa 34:4

Isa 34:4et tabescet omnis militia caelorum et conplicabuntur sicut liber caeli et omnis militia eorum defluet sicut defluit folium de vinea et de ficu

Isa 34:5

Isa 34:5quoniam inebriatus est in caelo gladius meus ecce super Idumeam descendet et super populum interfectionis meae ad iudicium

Isa 34:6

Isa 34:6gladius Domini repletus est sanguine incrassatus est adipe de sanguine agnorum et hircorum de sanguine medullatorum arietum victima enim Domini in Bosra et interfectio magna in terra Edom

Isa 34:7

Isa 34:7et descendent unicornes cum eis et tauri cum potentibus inebriabitur terra eorum sanguine et humus eorum adipe pinguium

Isa 34:8

Isa 34:8quia dies ultionis Domini annus retributionum iudicii Sion

Isa 34:9

Isa 34:9et convertentur torrentes eius in picem et humus eius in sulphur et erit terra eius in picem ardentem

Isa 34:10

Isa 34:10nocte et die non extinguetur in sempiternum ascendet fumus eius a generatione in generationem desolabitur in saeculum saeculorum non erit transiens per eam

Isa 34:11

Isa 34:11et possidebunt illam onocrotalus et ericius et ibis et corvus habitabunt in ea et extendetur super eam mensura ut redigatur ad nihilum et perpendiculum in desolationem

Isa 34:12

Isa 34:12nobiles eius non erunt ibi regem potius invocabunt et omnes principes eius erunt in nihilum

Isa 34:13

Isa 34:13et orientur in domibus eius spinae et urticae et paliurus in munitionibus eius et erit cubile draconum et pascua strutionum

Isa 34:14

Isa 34:14et occurrent daemonia onocentauris et pilosus clamabit alter ad alterum ibi cubavit lamia et invenit sibi requiem

Isa 34:15

Isa 34:15ibi habuit foveam ericius et enutrivit catulos et circumfodit et fovit in umbra eius illuc congregati sunt milvi alter ad alterum

Isa 34:16

Isa 34:16requirite diligenter in libro Domini et legite unum ex eis non defuit alter ad alterum non quaesivit quia quod ex ore meo procedit ille mandavit et spiritus eius ipse congregavit ea

Isa 34:17

Isa 34:17et ipse misit eis sortem et manus eius divisit eam illis in mensuram usque in aeternum possidebunt eam in generatione et generatione habitabunt in ea

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.