Previous Chapter Full Page Full Page Next Chapter

Isaiæ (Isaiah) 32 :: Latin Vulgate (VUL)

Isa 32:1

Isa 32:1ecce in iustitia regnabit rex et principes in iudicio praeerunt

Isa 32:2

Isa 32:2et erit vir sicut qui absconditur a vento et celat se a tempestate sicut rivi aquarum in siti et umbra petrae prominentis in terra deserta

Isa 32:3

Isa 32:3non caligabunt oculi videntium et aures audientium diligenter auscultabunt

Isa 32:4

Isa 32:4et cor stultorum intelleget scientiam et lingua balborum velociter loquetur et plane

Isa 32:5

Isa 32:5non vocabitur ultra is qui insipiens est princeps neque fraudulentus appellabitur maior

Isa 32:6

Isa 32:6stultus enim fatua loquetur et cor eius faciet iniquitatem ut perficiat simulationem et loquatur ad Dominum fraudulenter et vacuefaciat animam esurientis et potum sitienti auferat

Isa 32:7

Isa 32:7fraudulenti vasa pessima sunt ipse enim cogitationes concinnavit ad perdendos mites in sermone mendacii cum loqueretur pauper iudicium

Isa 32:8

Isa 32:8princeps vero ea quae digna sunt principe cogitavit et ipse super duces stabit

Isa 32:9

Isa 32:9mulieres opulentae surgite et audite vocem meam filiae confidentes percipite auribus eloquium meum

Isa 32:10

Isa 32:10post dies et annum et vos conturbabimini confidentes consummata est enim vindemia collectio ultra non veniet

Isa 32:11

Isa 32:11obstupescite opulentae conturbamini confidentes exuite vos et confundimini accingite lumbos vestros

Isa 32:12

Isa 32:12super ubera plangite super regione desiderabili super vinea fertili

Isa 32:13

Isa 32:13super humum populi mei spina et vepres ascendent quanto magis super omnes domos gaudii civitatis exultantis

Isa 32:14

Isa 32:14domus enim dimissa est multitudo urbis relicta est tenebrae et palpatio factae sunt super speluncas usque in aeternum gaudium onagrorum pascua gregum

Isa 32:15

Isa 32:15donec effundatur super nos spiritus de excelso et erit desertum in Chermel et Chermel in saltum reputabitur

Isa 32:16

Isa 32:16et habitabit in solitudine iudicium et iustitia in Chermel sedebit

Isa 32:17

Isa 32:17et erit opus iustitiae pax et cultus iustitiae silentium et securitas usque in sempiternum

Isa 32:18

Isa 32:18et sedebit populus meus in pulchritudine pacis et in tabernaculis fiduciae et in requie opulenta

Isa 32:19

Isa 32:19grando autem in descensione saltus et humilitate humiliabitur civitas

Isa 32:20

Isa 32:20beati qui seminatis super omnes aquas inmittentes pedem bovis et asini
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Isaiah Chapter 32 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Westminster Leningrad Codex Septuagint Smith Van Dyck Arabic Bible Open New Arabic Version Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras