Isaiæ (Isaiah) 26 :: Latin Vulgate (VUL)

Isa 26:1

Isa 26:1in die illa cantabitur canticum istud in terra Iuda urbs fortitudinis nostrae salvator ponetur in ea murus et antemurale

Isa 26:2

Isa 26:2aperite portas et ingrediatur gens iusta custodiens veritatem

Isa 26:3

Isa 26:3vetus error abiit servabis pacem pacem quia in te speravimus

Isa 26:4

Isa 26:4sperastis in Domino in saeculis aeternis in Domino Deo forti in perpetuum

Isa 26:5

Isa 26:5quia incurvabit habitantes in excelso civitatem sublimem humiliabit humiliabit eam usque ad terram detrahet eam usque ad pulverem

Isa 26:6

Isa 26:6conculcabit eam pes pedes pauperis gressus egenorum

Isa 26:7

Isa 26:7semita iusti recta est rectus callis iusti ad ambulandum

Isa 26:8

Isa 26:8et in semita iudiciorum tuorum Domine sustinuimus te nomen tuum et memoriale tuum in desiderio animae

Isa 26:9

Isa 26:9anima mea desideravit te in nocte sed et spiritu meo in praecordiis meis de mane vigilabo ad te cum feceris iudicia tua in terra iustitiam discent habitatores orbis

Isa 26:10

Isa 26:10misereamur impio et non discet iustitiam in terra sanctorum inique gessit et non videbit gloriam Domini

Isa 26:11

Isa 26:11Domine exaltetur manus tua et non videant videant et confundantur zelantes populi et ignis hostes tuos devoret

Isa 26:12

Isa 26:12Domine dabis pacem nobis omnia enim opera nostra operatus es nobis

Isa 26:13

Isa 26:13Domine Deus noster possederunt nos domini absque te tantum in te recordemur nominis tui

Isa 26:14

Isa 26:14morientes non vivant gigantes non resurgant propterea visitasti et contrivisti eos et perdidisti omnem memoriam eorum

Isa 26:15

Isa 26:15indulsisti genti Domine indulsisti genti numquid glorificatus es elongasti omnes terminos terrae

Isa 26:16

Isa 26:16Domine in angustia requisierunt te in tribulatione murmuris doctrina tua eis

Isa 26:17

Isa 26:17sicut quae concipit cum adpropinquaverit ad partum dolens clamat in doloribus suis sic facti sumus a facie tua Domine

Isa 26:18

Isa 26:18concepimus et quasi parturivimus et peperimus spiritum salutes non fecimus in terra ideo non ceciderunt habitatores terrae

Isa 26:19

Isa 26:19vivent mortui tui interfecti mei resurgent expergiscimini et laudate qui habitatis in pulvere quia ros lucis ros tuus et terram gigantum detrahes in ruinam

Isa 26:20

Isa 26:20vade populus meus intra in cubicula tua claude ostia tua super te abscondere modicum ad momentum donec pertranseat indignatio

Isa 26:21

Isa 26:21ecce enim Dominus egreditur de loco suo ut visitet iniquitatem habitatoris terrae contra eum et revelabit terra sanguinem suum et non operiet ultra interfectos suos

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.