Isaiæ (Isaiah) 2 :: Latin Vulgate (VUL)

(Mic 4:1–5 )

Isa 2:1verbum quod vidit Isaias filius Amos super Iudam et Hierusalem

Isa 2:2et erit in novissimis diebus praeparatus mons domus Domini in vertice montium et elevabitur super colles et fluent ad eum omnes gentes

Isa 2:3

Isa 2:3et ibunt populi multi et dicent venite et ascendamus ad montem Domini et ad domum Dei Iacob et docebit nos vias suas et ambulabimus in semitis eius quia de Sion exibit lex et verbum Domini de Hierusalem

Isa 2:4

Isa 2:4et iudicabit gentes et arguet populos multos et conflabunt gladios suos in vomeres et lanceas suas in falces non levabit gens contra gentem gladium nec exercebuntur ultra ad proelium

Isa 2:5

Isa 2:5domus Iacob venite et ambulemus in lumine Domini

Isa 2:6

Isa 2:6proiecisti enim populum tuum domum Iacob quia repleti sunt ut olim et augures habuerunt ut Philisthim et pueris alienis adheserunt

Isa 2:7

Isa 2:7repleta est terra argento et auro et non est finis thesaurorum eius

Isa 2:8

Isa 2:8et repleta est terra eius equis et innumerabiles quadrigae eius et repleta est terra eius idolis opus manuum suarum adoraverunt quod fecerunt digiti eorum

Isa 2:9

Isa 2:9et incurvavit se homo et humiliatus est vir ne ergo dimittas eis

Isa 2:10

Isa 2:10ingredere in petram abscondere fossa humo a facie timoris Domini et a gloria maiestatis eius

Isa 2:11

Isa 2:11oculi sublimis hominis humiliati sunt et incurvabitur altitudo virorum exaltabitur autem Dominus solus in die illa

Isa 2:12

Isa 2:12quia dies Domini exercituum super omnem superbum et excelsum et super omnem arrogantem et humiliabitur

Isa 2:13

Isa 2:13et super omnes cedros Libani sublimes et erectas et super omnes quercus Basan

Isa 2:14

Isa 2:14et super omnes montes excelsos et super omnes colles elevatos

Isa 2:15

Isa 2:15et super omnem turrem excelsam et super omnem murum munitum

Isa 2:16

Isa 2:16et super omnes naves Tharsis et super omne quod visu pulchrum est

Isa 2:17

Isa 2:17et incurvabitur sublimitas hominum et humiliabitur altitudo virorum et elevabitur Dominus solus in die illa

Isa 2:18

Isa 2:18et idola penitus conterentur

Isa 2:19

Isa 2:19et introibunt in speluncas petrarum et in voragines terrae a facie formidinis Domini et a gloria maiestatis eius cum surrexerit percutere terram

Isa 2:20

Isa 2:20in die illa proiciet homo idola argenti sui et simulacra auri sui quae fecerat sibi ut adoraret talpas et vespertiliones

Isa 2:21

Isa 2:21et ingredietur fissuras petrarum et cavernas saxorum a facie formidinis Domini et a gloria maiestatis eius cum surrexerit percutere terram

Isa 2:22

Isa 2:22quiescite ergo ab homine cuius spiritus in naribus eius quia excelsus reputatus est ipse

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.