Isaiæ (Isaiah) 17 :: Latin Vulgate (VUL)

Isa 17:1onus Damasci ecce Damascus desinet esse civitas et erit sicut acervus lapidum in ruina

Isa 17:2derelictae civitates Aroer gregibus erunt et requiescent ibi et non erit qui exterreat

Isa 17:3et cessabit adiutorium ab Ephraim et regnum a Damasco et reliquiae Syriae sicut gloria filiorum Israhel erunt dicit Dominus exercituum

Isa 17:4

Isa 17:4et erit in die illa adtenuabitur gloria Iacob et pingue carnis eius marcescet

Isa 17:5

Isa 17:5et erit sicut congregans in messe quod restiterit et brachium eius spicas leget et erit sicut quaerens spicas in valle Rafaim

Isa 17:6

Isa 17:6et relinquetur in eo sicut racemus et sicut excussio oleae duarum aut trium olivarum in summitate rami sive quattuor aut quinque in cacuminibus eius fructus eius dicit Dominus Deus Israhel

Isa 17:7

Isa 17:7in die illa inclinabitur homo ad factorem suum et oculi eius ad Sanctum Israhel respicient

Isa 17:8

Isa 17:8et non inclinabitur ad altaria quae fecerunt manus eius et quae operati sunt digiti eius non respiciet lucos et delubra

Isa 17:9

Isa 17:9in die illa erunt civitates fortitudinis eius derelictae sicut aratra et segetes quae derelictae sunt a facie filiorum Israhel et erit deserta

Isa 17:10

Isa 17:10quia oblita es Dei salvatoris tui et Fortis adiutoris tui non es recordata propterea plantabis plantationem fidelem et germen alienum seminabis

Isa 17:11

Isa 17:11in die plantationis tuae labrusca et mane semen tuum florebit ablata est messis in die hereditatis et dolebit graviter

Isa 17:12

Isa 17:12vae multitudo populorum multorum ut multitudo maris sonantis et tumultus turbarum sicut sonitus aquarum multarum

Isa 17:13

Isa 17:13sonabunt populi sicut sonitus aquarum inundantium et increpabit eum et fugiet procul et rapietur sicut pulvis montium a facie venti et sicut turbo coram tempestate

Isa 17:14

Isa 17:14in tempore vespere et ecce turbatio in matutino et non subsistet haec est pars eorum qui vastaverunt nos et sors diripientium nos

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.