Previous Chapter Full Page Full Page Next Chapter

Isaiæ (Isaiah) 14 :: Latin Vulgate (VUL)

Isa 14:1

Isa 14:1prope est ut veniat tempus eius et dies eius non elongabuntur miserebitur enim Dominus Iacob et eliget adhuc de Israhel et requiescere eos faciet super humum suam adiungetur advena ad eos et adherebit domui Iacob

Isa 14:2

Isa 14:2et tenebunt eos populi et adducent eos in locum suum et possidebit eos domus Israhel super terram Domini in servos et ancillas et erunt capientes eos qui se ceperant et subicient exactores suos

Isa 14:3

Isa 14:3et erit in die illa cum requiem dederit tibi Deus a labore tuo et a concussione tua et a servitute dura qua ante servisti

Isa 14:4

Isa 14:4sumes parabolam istam contra regem Babylonis et dices quomodo cessavit exactor quievit tributum

Isa 14:5

Isa 14:5contrivit Dominus baculum impiorum virgam dominantium

Isa 14:6

Isa 14:6caedentem populos in indignatione plaga insanabili subicientem in furore gentes persequentem crudeliter

Isa 14:7

Isa 14:7conquievit et siluit omnis terra gavisa est et exultavit

Isa 14:8

Isa 14:8abietes quoque laetatae sunt super te et cedri Libani ex quo dormisti non ascendit qui succidat nos

Isa 14:9

Isa 14:9infernus subter conturbatus est in occursum adventus tui suscitavit tibi gigantas omnes principes terrae surrexerunt de soliis suis omnes principes nationum

Isa 14:10

Isa 14:10universi respondebunt et dicent tibi et tu vulneratus es sicut nos nostri similis effectus es

Isa 14:11

Isa 14:11detracta est ad inferos superbia tua concidit cadaver tuum subter te sternetur tinea et operimentum tuum erunt vermes

Isa 14:12

Isa 14:12quomodo cecidisti de caelo lucifer qui mane oriebaris corruisti in terram qui vulnerabas gentes

Isa 14:13

Isa 14:13qui dicebas in corde tuo in caelum conscendam super astra Dei exaltabo solium meum sedebo in monte testamenti in lateribus aquilonis

Isa 14:14

Isa 14:14ascendam super altitudinem nubium ero similis Altissimo

Isa 14:15

Isa 14:15verumtamen ad infernum detraheris in profundum laci

Isa 14:16

Isa 14:16qui te viderint ad te inclinabuntur teque prospicient numquid iste est vir qui conturbavit terram qui concussit regna

Isa 14:17

Isa 14:17qui posuit orbem desertum et urbes eius destruxit vinctis eius non aperuit carcerem

Isa 14:18

Isa 14:18omnes reges gentium universi dormierunt in gloria vir in domo sua

Isa 14:19

Isa 14:19tu autem proiectus es de sepulchro tuo quasi stirps inutilis pollutus et obvolutus qui interfecti sunt gladio et descenderunt ad fundamenta laci quasi cadaver putridum

Isa 14:20

Isa 14:20non habebis consortium neque cum eis in sepultura tu enim terram disperdisti tu populum occidisti non vocabitur in aeternum semen pessimorum

Isa 14:21

Isa 14:21praeparate filios eius occisioni in iniquitate patrum eorum non consurgent nec hereditabunt terram neque implebunt faciem orbis civitatum

Isa 14:22

Isa 14:22et consurgam super eos dicit Dominus exercituum et perdam Babylonis nomen et reliquias et germen et progeniem ait Dominus

Isa 14:23

Isa 14:23et ponam eam in possessionem ericii et in paludes aquarum et scopabo eam in scopa terens dicit Dominus exercituum

Isa 14:24

Isa 14:24iuravit Dominus exercituum dicens si non ut putavi ita erit et quomodo mente tractavi

Isa 14:25

Isa 14:25sic eveniet ut conteram Assyrium in terra mea et in montibus meis conculcem eum et auferetur ab eis iugum eius et onus illius ab umero eorum tolletur

Isa 14:26

Isa 14:26hoc consilium quod cogitavi super omnem terram et haec est manus extenta super universas gentes

Isa 14:27

Isa 14:27Dominus enim exercituum decrevit et quis poterit infirmare et manus eius extenta et quis avertet eam

Isa 14:28

Isa 14:28in anno quo mortuus est rex Ahaz factum est onus istud

Isa 14:29

Isa 14:29ne laeteris Philisthea omnis tu quoniam comminuta est virga percussoris tui de radice enim colubri egredietur regulus et semen eius absorbens volucrem

Isa 14:30

Isa 14:30et pascentur primogeniti pauperum et pauperes fiducialiter requiescent et interire faciam in fame radicem tuam et reliquias tuas interficiam

Isa 14:31

Isa 14:31ulula porta clama civitas prostrata est Philisthea omnis ab aquilone enim fumus venit et non est qui effugiat agmen eius

Isa 14:32

Isa 14:32et quid respondebitur nuntiis gentis quia Dominus fundavit Sion et in ipsa sperabunt pauperes populi eius
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.