Isaiæ (Isaiah) 13 :: Latin Vulgate (VUL)

Isa 13:1onus Babylonis quod vidit Isaias filius Amos

Isa 13:2super montem caligosum levate signum exaltate vocem levate manum et ingrediantur portas duces

Isa 13:3ego mandavi sanctificatis meis et vocavi fortes meos in ira mea exultantes in gloria mea

Isa 13:4vox multitudinis in montibus quasi populorum frequentium vox sonitus regum gentium congregatarum Dominus exercituum praecepit militiae belli

Isa 13:5

Isa 13:5venientibus de terra procul a summitate caeli Dominus et vasa furoris eius ut disperdat omnem terram

Isa 13:6

Isa 13:6ululate quia prope est dies Domini quasi vastitas a Domino veniet

Isa 13:7

Isa 13:7propter hoc omnes manus dissolventur et omne cor hominis tabescet

Isa 13:8

Isa 13:8et conteretur tortiones et dolores tenebunt quasi parturiens dolebunt unusquisque ad proximum suum stupebit facies conbustae vultus eorum

Isa 13:9

Isa 13:9ecce dies Domini venit crudelis et indignationis plenus et irae furorisque ad ponendam terram in solitudine et peccatores eius conterendos de ea

Isa 13:10

Isa 13:10quoniam stellae caeli et splendor earum non expandent lumen suum obtenebratus est sol in ortu suo et luna non splendebit in lumine suo

Isa 13:11

Isa 13:11et visitabo super orbis mala et contra impios iniquitatem eorum et quiescere faciam superbiam infidelium et arrogantiam fortium humiliabo

Isa 13:12

Isa 13:12pretiosior erit vir auro et homo mundo obrizo

Isa 13:13

Isa 13:13super hoc caelum turbabo et movebitur terra de loco suo propter indignationem Domini exercituum et propter diem irae furoris eius

Isa 13:14

Isa 13:14et erit quasi dammula fugiens et quasi ovis et non erit qui congreget unusquisque ad populum suum convertetur et singuli ad terram suam fugient

Isa 13:15

Isa 13:15omnis qui inventus fuerit occidetur et omnis qui supervenerit cadet in gladio

Isa 13:16

Isa 13:16infantes eorum adlident in oculis eorum diripientur domus eorum et uxores eorum violabuntur

Isa 13:17

Isa 13:17ecce ego suscitabo super eos Medos qui argentum non quaerant nec aurum velint

Isa 13:18

Isa 13:18sed sagittis parvulos interficiant et lactantibus uteri non misereantur et super filios non parcat oculus eorum

Isa 13:19

Isa 13:19et erit Babylon illa gloriosa in regnis inclita in superbia Chaldeorum sicut subvertit Deus Sodomam et Gomorram

Isa 13:20

Isa 13:20non habitabitur usque in finem et non fundabitur usque ad generationem et generationem nec ponet ibi tentoria Arabs nec pastores requiescent ibi

Isa 13:21

Isa 13:21sed requiescent ibi bestiae et replebuntur domus eorum draconibus et habitabunt ibi strutiones et pilosi saltabunt ibi

Isa 13:22

Isa 13:22et respondebunt ibi ululae in aedibus eius et sirenae in delubris voluptatis

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.