Osee (Hosea) 7 :: Latin Vulgate (VUL)

Hos 7:1

Hos 7:1cum sanare vellem Israhel revelata est iniquitas Ephraim et malitia Samariae quia operati sunt mendacium et fur ingressus est spolians latrunculus foris

Hos 7:2

Hos 7:2et ne forte dicant in cordibus suis omnem malitiam eorum me recordatum nunc circumdederunt eos adinventiones suae coram facie mea factae sunt

Hos 7:3

Hos 7:3in malitia sua laetificaverunt regem et in mendaciis suis principes

Hos 7:4

Hos 7:4omnes adulterantes quasi clibanus succensus a coquente quievit paululum civitas a commixtione fermenti donec fermentaretur totum

Hos 7:5

Hos 7:5dies regis nostri coeperunt principes furere a vino extendit manum suam cum inlusoribus

Hos 7:6

Hos 7:6quia adplicuerunt quasi clibanum cor suum cum insidiaretur eis tota nocte dormivit coquens eos mane ipse succensus quasi ignis flammae

Hos 7:7

Hos 7:7omnes calefacti sunt quasi clibanus et devoraverunt iudices suos omnes reges eorum ceciderunt non est qui clamet in eis ad me

Hos 7:8

Hos 7:8Ephraim in populis ipse commiscebatur Ephraim factus est subcinericius qui non reversatur

Hos 7:9

Hos 7:9comederunt alieni robur eius et ipse nescivit sed et cani effusi sunt in eo et ipse ignoravit

Hos 7:10

Hos 7:10et humiliabitur superbia Israhel in facie eius nec reversi sunt ad Dominum Deum suum et non quaesierunt eum in omnibus his

Hos 7:11

Hos 7:11et factus est Ephraim quasi columba seducta non habens cor Aegyptum invocabant ad Assyrios abierunt

Hos 7:12

Hos 7:12et cum profecti fuerint expandam super eos rete meum quasi volucrem caeli detraham eos caedam eos secundum auditionem coetus eorum

Hos 7:13

Hos 7:13vae eis quoniam recesserunt a me vastabuntur quia praevaricati sunt in me et ego redemi eos et ipsi locuti sunt contra me mendacia

Hos 7:14

Hos 7:14et non clamaverunt ad me in corde suo sed ululabant in cubilibus suis super triticum et vinum ruminabant recesserunt a me

Hos 7:15

Hos 7:15et ego erudivi et confortavi brachia eorum et in me cogitaverunt malitiam

Hos 7:16

Hos 7:16reversi sunt ut essent absque iugo facti sunt quasi arcus dolosus cadent in gladio principes eorum a furore linguae suae ista subsannatio eorum in terra Aegypti

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.