Osee (Hosea) 6 :: Latin Vulgate (VUL)

Hos 6:1in tribulatione sua mane consurgunt ad me venite et revertamur ad Dominum

Hos 6:2quia ipse cepit et sanabit nos percutiet et curabit nos

Hos 6:3vivificabit nos post duos dies in die tertia suscitabit nos et vivemus in conspectu eius sciemus sequemurque ut cognoscamus Dominum quasi diluculum praeparatus est egressus eius et veniet quasi imber nobis temporaneus et serotinus terrae

Hos 6:4

Hos 6:4quid faciam tibi Ephraim quid faciam tibi Iuda misericordia vestra quasi nubes matutina et quasi ros mane pertransiens

Hos 6:5

Hos 6:5propter hoc dolavi in prophetis occidi eos in verbis oris mei et iudicia tua quasi lux egredientur

Hos 6:6

Hos 6:6quia misericordiam volui et non sacrificium et scientiam Dei plus quam holocausta

Hos 6:7

Hos 6:7ipsi autem sicut Adam transgressi sunt pactum ibi praevaricati sunt in me

Hos 6:8

Hos 6:8Galaad civitas operantium idolum subplantata sanguine

Hos 6:9

Hos 6:9et quasi fauces virorum latronum particeps sacerdotum in via interficientium pergentes de Sychem quia scelus operati sunt

Hos 6:10

Hos 6:10in domo Israhel vidi horrendum ibi fornicationes Ephraim contaminatus est Israhel

Hos 6:11

Hos 6:11sed et Iuda pone messem tibi cum convertero captivitatem populi mei

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.