Osee (Hosea) 5 :: Latin Vulgate (VUL)

Hos 5:1

Hos 5:1audite hoc sacerdotes et adtendite domus Israhel et domus regis auscultate quia vobis iudicium est quoniam laqueus facti estis speculationi et rete expansum super Thabor

Hos 5:2

Hos 5:2et victimas declinastis in profundum et ego eruditor omnium eorum

Hos 5:3

Hos 5:3ego scio Ephraim et Israhel non est absconditus a me quia nunc fornicatus est Ephraim contaminatus est Israhel

Hos 5:4

Hos 5:4non dabunt cogitationes suas ut revertantur ad Dominum suum quia spiritus fornicationis in medio eorum et Dominum non cognoverunt

Hos 5:5

Hos 5:5et respondebit arrogantia Israhel in facie eius et Israhel et Ephraim ruent in iniquitate sua ruet etiam Iudas cum eis

Hos 5:6

Hos 5:6in gregibus suis et in armentis suis vadent ad quaerendum Dominum et non invenient ablatus est ab eis

Hos 5:7

Hos 5:7in Domino praevaricati sunt quia filios alienos genuerunt nunc devorabit eos mensis cum partibus suis

Hos 5:8

Hos 5:8clangite bucina in Gabaa tuba in Rama ululate in Bethaven post tergum tuum Beniamin

Hos 5:9

Hos 5:9Ephraim in desolatione erit in die correptionis in tribubus Israhel ostendi fidem

Hos 5:10

Hos 5:10facti sunt principes Iuda quasi adsumentes terminum super eos effundam quasi aquam iram meam

Hos 5:11

Hos 5:11calumniam patiens Ephraim fractus iudicio quoniam coepit abire post sordem

Hos 5:12

Hos 5:12et ego quasi tinea Ephraim et quasi putredo domui Iuda

Hos 5:13

Hos 5:13et vidit Ephraim languorem suum et Iudas vinculum suum et abiit Ephraim ad Assur et misit ad regem ultorem et ipse non poterit sanare vos nec solvere poterit a vobis vinculum

Hos 5:14

Hos 5:14quoniam ego quasi leaena Ephraim et quasi catulus leonis domui Iuda ego ego capiam et vadam tollam et non est qui eruat

Hos 5:15

Hos 5:15vadens revertar ad locum meum donec deficiatis et quaeratis faciem meam

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.