Hebræos (Hebrews) 9 :: Latin Vulgate (VUL)

(cf. Exo 25:10–40 )

Heb 9:1habuit quidem et prius iustificationes culturae et sanctum saeculare

Heb 9:2tabernaculum enim factum est primum in quo inerant candelabra et mensa et propositio panum quae dicitur sancta

Heb 9:3post velamentum autem secundum tabernaculum quod dicitur sancta sanctorum

Heb 9:4aureum habens turibulum et arcam testamenti circumtectam ex omni parte auro in qua urna aurea habens manna et virga Aaron quae fronduerat et tabulae testamenti

Heb 9:5

Heb 9:5superque eam cherubin gloriae obumbrantia propitiatorium de quibus non est modo dicendum per singula

Heb 9:6

Heb 9:6his vero ita conpositis in priori quidem tabernaculo semper introibant sacerdotes sacrificiorum officia consummantes

Heb 9:7

Heb 9:7in secundo autem semel in anno solus pontifex non sine sanguine quem offert pro sua et populi ignorantia

Heb 9:8

Heb 9:8hoc significante Spiritu Sancto nondum propalatam esse sanctorum viam adhuc priore tabernaculo habente statum

Heb 9:9

Heb 9:9quae parabola est temporis instantis iuxta quam munera et hostiae offeruntur quae non possunt iuxta conscientiam perfectum facere servientem

Heb 9:10

Heb 9:10solummodo in cibis et in potibus et variis baptismis et iustitiis carnis usque ad tempus correctionis inpositis

Heb 9:11

Heb 9:11Christus autem adsistens pontifex futurorum bonorum per amplius et perfectius tabernaculum non manufactum id est non huius creationis

Heb 9:12

Heb 9:12neque per sanguinem hircorum et vitulorum sed per proprium sanguinem introivit semel in sancta aeterna redemptione inventa

Heb 9:13

Heb 9:13si enim sanguis hircorum et taurorum et cinis vitulae aspersus inquinatos sanctificat ad emundationem carnis

Heb 9:14

Heb 9:14quanto magis sanguis Christi qui per Spiritum Sanctum semet ipsum obtulit inmaculatum Deo emundabit conscientiam vestram ab operibus mortuis ad serviendum Deo viventi

Heb 9:15

Heb 9:15et ideo novi testamenti mediator est ut morte intercedente in redemptionem earum praevaricationum quae erant sub priore testamento repromissionem accipiant qui vocati sunt aeternae hereditatis

Heb 9:16

Heb 9:16ubi enim testamentum mors necesse est intercedat testatoris

Heb 9:17

Heb 9:17testamentum enim in mortuis confirmatum est alioquin nondum valet dum vivit qui testatus est

Heb 9:18

Heb 9:18unde ne primum quidem sine sanguine dedicatum est

Heb 9:19

Heb 9:19lecto enim omni mandato legis a Mose universo populo accipiens sanguinem vitulorum et hircorum cum aqua et lana coccinea et hysopo ipsum quoque librum et omnem populum aspersit

Heb 9:20

Heb 9:20dicens hic sanguis testamenti quod mandavit ad vos Deus

Heb 9:21

Heb 9:21etiam tabernaculum et omnia vasa ministerii sanguine similiter aspersit

Heb 9:22

Heb 9:22et omnia paene in sanguine mundantur secundum legem et sine sanguinis fusione non fit remissio

Heb 9:23

Heb 9:23necesse est ergo exemplaria quidem caelestium his mundari ipsa autem caelestia melioribus hostiis quam istis

Heb 9:24

Heb 9:24non enim in manufactis sanctis Iesus introiit exemplaria verorum sed in ipsum caelum ut appareat nunc vultui Dei pro nobis

Heb 9:25

Heb 9:25neque ut saepe offerat semet ipsum quemadmodum pontifex intrat in sancta per singulos annos in sanguine alieno

Heb 9:26

Heb 9:26alioquin oportebat eum frequenter pati ab origine mundi nunc autem semel in consummatione saeculorum ad destitutionem peccati per hostiam suam apparuit

Heb 9:27

Heb 9:27et quemadmodum statutum est hominibus semel mori post hoc autem iudicium

Heb 9:28

Heb 9:28sic et Christus semel oblatus ad multorum exhaurienda peccata secundo sine peccato apparebit expectantibus se in salutem

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.