Hebræos (Hebrews) 7 :: Latin Vulgate (VUL)

(Gen 14:17–20 )

Heb 7:1hic enim Melchisedech rex Salem sacerdos Dei summi qui obviavit Abrahae regresso a caede regum et benedixit ei

Heb 7:2cui decimas omnium divisit Abraham primum quidem qui interpretatur rex iustitiae deinde autem et rex Salem quod est rex pacis

Heb 7:3

Heb 7:3sine patre sine matre sine genealogia neque initium dierum neque finem vitae habens adsimilatus autem Filio Dei manet sacerdos in perpetuum

Heb 7:4

Heb 7:4intuemini autem quantus sit hic cui et decimam dedit de praecipuis Abraham patriarcha

Heb 7:5

Heb 7:5et quidem de filiis Levi sacerdotium accipientes mandatum habent decimas sumere a populo secundum legem id est a fratribus suis quamquam et ipsi exierunt de lumbis Abrahae

Heb 7:6

Heb 7:6cuius autem generatio non adnumeratur in eis decimas sumpsit Abraham et hunc qui habebat repromissiones benedixit

Heb 7:7

Heb 7:7sine ulla autem contradictione quod minus est a meliore benedicitur

Heb 7:8

Heb 7:8et hic quidem decimas morientes homines accipiunt ibi autem contestatus quia vivit

Heb 7:9

Heb 7:9et ut ita dictum sit per Abraham et Levi qui decimas accipit decimatus est

Heb 7:10

Heb 7:10adhuc enim in lumbis patris erat quando obviavit ei Melchisedech

(Psa 110:4 )

Heb 7:11

Heb 7:11si ergo consummatio per sacerdotium leviticum erat populus enim sub ipso legem accepit quid adhuc necessarium secundum ordinem Melchisedech alium surgere sacerdotem et non secundum ordinem Aaron dici

Heb 7:12

Heb 7:12translato enim sacerdotio necesse est ut et legis translatio fiat

Heb 7:13

Heb 7:13in quo enim haec dicuntur de alia tribu est de qua nullus altario praesto fuit

Heb 7:14

Heb 7:14manifestum enim quod ex Iuda ortus sit Dominus noster in qua tribu nihil de sacerdotibus Moses locutus est

Heb 7:15

Heb 7:15et amplius adhuc manifestum est si secundum similitudinem Melchisedech exsurgit alius sacerdos

Heb 7:16

Heb 7:16qui non secundum legem mandati carnalis factus est sed secundum virtutem vitae insolubilis

Heb 7:17

Heb 7:17contestatur enim quoniam tu es sacerdos in aeternum secundum ordinem Melchisedech

Heb 7:18

Heb 7:18reprobatio quidem fit praecedentis mandati propter infirmitatem eius et inutilitatem

Heb 7:19

Heb 7:19nihil enim ad perfectum adduxit lex introductio vero melioris spei per quam proximamus ad Deum

Heb 7:20

Heb 7:20et quantum est non sine iureiurando alii quidem sine iureiurando sacerdotes facti sunt

Heb 7:21

Heb 7:21hic autem cum iureiurando per eum qui dixit ad illum iuravit Dominus et non paenitebit tu es sacerdos in aeternum

Heb 7:22

Heb 7:22in tantum melioris testamenti sponsor factus est Iesus

Heb 7:23

Heb 7:23et alii quidem plures facti sunt sacerdotes idcirco quod morte prohiberentur permanere

Heb 7:24

Heb 7:24hic autem eo quod maneat in aeternum sempiternum habet sacerdotium

Heb 7:25

Heb 7:25unde et salvare in perpetuo potest accedentes per semet ipsum ad Deum semper vivens ad interpellandum pro eis

Heb 7:26

Heb 7:26talis enim decebat ut nobis esset pontifex sanctus innocens inpollutus segregatus a peccatoribus et excelsior caelis factus

Heb 7:27

Heb 7:27qui non habet cotidie necessitatem quemadmodum sacerdotes prius pro suis delictis hostias offerre deinde pro populi hoc enim fecit semel se offerendo

Heb 7:28

Heb 7:28lex enim homines constituit sacerdotes infirmitatem habentes sermo autem iurisiurandi qui post legem est Filium in aeternum perfectum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.