Hebræos (Hebrews) 5 :: Latin Vulgate (VUL)

Heb 5:1

Heb 5:1omnis namque pontifex ex hominibus adsumptus pro hominibus constituitur in his quae sunt ad Deum ut offerat dona et sacrificia pro peccatis

Heb 5:2

Heb 5:2qui condolere possit his qui ignorant et errant quoniam et ipse circumdatus est infirmitate

Heb 5:3

Heb 5:3et propter eam debet quemadmodum et pro populo ita etiam pro semet ipso offerre pro peccatis

Heb 5:4

Heb 5:4nec quisquam sumit sibi honorem sed qui vocatur a Deo tamquam Aaron

Heb 5:5

Heb 5:5sic et Christus non semet ipsum clarificavit ut pontifex fieret sed qui locutus est ad eum Filius meus es tu ego hodie genui te

Heb 5:6

Heb 5:6quemadmodum et in alio dicit tu es sacerdos in aeternum secundum ordinem Melchisedech

Heb 5:7

Heb 5:7qui in diebus carnis suae preces supplicationesque ad eum qui possit salvum illum a morte facere cum clamore valido et lacrimis offerens et exauditus pro sua reverentia

Heb 5:8

Heb 5:8et quidem cum esset Filius didicit ex his quae passus est oboedientiam

Heb 5:9

Heb 5:9et consummatus factus est omnibus obtemperantibus sibi causa salutis aeternae

Heb 5:10

Heb 5:10appellatus a Deo pontifex iuxta ordinem Melchisedech

Heb 5:11

Heb 5:11de quo grandis nobis sermo et ininterpretabilis ad dicendum quoniam inbecilles facti estis ad audiendum

Heb 5:12

Heb 5:12etenim cum deberetis magistri esse propter tempus rursum indigetis ut vos doceamini quae sint elementa exordii sermonum Dei et facti estis quibus lacte opus sit non solido cibo

Heb 5:13

Heb 5:13omnis enim qui lactis est particeps expers est sermonis iustitiae parvulus enim est

Heb 5:14

Heb 5:14perfectorum autem est solidus cibus eorum qui pro consuetudine exercitatos habent sensus ad discretionem boni ac mali

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.