Hebræos (Hebrews) 3 :: Latin Vulgate (VUL)

Heb 3:1

Heb 3:1unde fratres sancti vocationis caelestis participes considerate apostolum et pontificem confessionis nostrae Iesum

Heb 3:2

Heb 3:2qui fidelis est ei qui fecit illum sicut et Moses in omni domo illius

Heb 3:3

Heb 3:3amplioris enim gloriae iste prae Mose dignus habitus est quanto ampliorem honorem habet domus qui fabricavit illam

Heb 3:4

Heb 3:4omnis namque domus fabricatur ab aliquo qui autem omnia creavit Deus

Heb 3:5

Heb 3:5et Moses quidem fidelis erat in tota domo eius tamquam famulus in testimonium eorum quae dicenda erant

Heb 3:6

Heb 3:6Christus vero tamquam filius in domo sua quae domus sumus nos si fiduciam et gloriam spei usque ad finem firmam retineamus

(Psa 95:7–11 )

Heb 3:7

Heb 3:7quapropter sicut dicit Spiritus Sanctus hodie si vocem eius audieritis

Heb 3:8

Heb 3:8nolite obdurare corda vestra sicut in exacerbatione secundum diem temptationis in deserto

Heb 3:9

Heb 3:9ubi temptaverunt me patres vestri probaverunt et viderunt opera mea

Heb 3:10

Heb 3:10quadraginta annos propter quod infensus fui generationi huic et dixi semper errant corde ipsi autem non cognoverunt vias meas

Heb 3:11

Heb 3:11sicut iuravi in ira mea si introibunt in requiem meam

Heb 3:12

Heb 3:12videte fratres ne forte sit in aliquo vestrum cor malum incredulitatis discedendi a Deo vivo

Heb 3:13

Heb 3:13sed adhortamini vosmet ipsos per singulos dies donec hodie cognominatur ut non obduretur quis ex vobis fallacia peccati

Heb 3:14

Heb 3:14participes enim Christi effecti sumus si tamen initium substantiae usque ad finem firmum retineamus

Heb 3:15

Heb 3:15dum dicitur hodie si vocem eius audieritis nolite obdurare corda vestra quemadmodum in illa exacerbatione

Heb 3:16

Heb 3:16quidam enim audientes exacerbaverunt sed non universi qui profecti sunt ab Aegypto per Mosen

Heb 3:17

Heb 3:17quibus autem infensus est quadraginta annos nonne illis qui peccaverunt quorum cadavera prostrata sunt in deserto

Heb 3:18

Heb 3:18quibus autem iuravit non introire in requiem ipsius nisi illis qui increduli fuerunt

Heb 3:19

Heb 3:19et videmus quia non potuerunt introire propter incredulitatem

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.