Habacuc (Habakkuk) 3 :: Latin Vulgate (VUL)

Hab 3:1oratio Abacuc prophetae pro ignorationibus

Hab 3:2Domine audivi auditionem tuam et timui Domine opus tuum in medio annorum vivifica illud in medio annorum notum facies cum iratus fueris misericordiae recordaberis

Hab 3:3

Hab 3:3Deus ab austro veniet et Sanctus de monte Pharan semper operuit caelos gloria eius et laudis eius plena est terra

Hab 3:4

Hab 3:4splendor eius ut lux erit cornua in manibus eius ibi abscondita est fortitudo eius

Hab 3:5

Hab 3:5ante faciem eius ibit mors et egredietur diabolus ante pedes eius

Hab 3:6

Hab 3:6stetit et mensus est terram aspexit et dissolvit gentes et contriti sunt montes saeculi incurvati sunt colles mundi ab itineribus aeternitatis eius

Hab 3:7

Hab 3:7pro iniquitate vidi tentoria Aethiopiae turbabuntur pelles terrae Madian

Hab 3:8

Hab 3:8numquid in fluminibus iratus es Domine aut in fluminibus furor tuus vel in mari indignatio tua quia ascendes super equos tuos et quadrigae tuae salvatio

Hab 3:9

Hab 3:9suscitans suscitabis arcum tuum iuramenta tribubus quae locutus es semper fluvios scindes terrae

Hab 3:10

Hab 3:10viderunt te et doluerunt montes gurges aquarum transiit dedit abyssus vocem suam altitudo manus suas levavit

Hab 3:11

Hab 3:11sol et luna steterunt in habitaculo suo in luce sagittarum tuarum ibunt in splendore fulgurantis hastae tuae

Hab 3:12

Hab 3:12in fremitu conculcabis terram in furore obstupefacies gentes

Hab 3:13

Hab 3:13egressus es in salutem populi tui in salutem cum christo tuo percussisti caput de domo impii denudasti fundamentum usque ad collum semper

Hab 3:14

Hab 3:14maledixisti sceptris eius capiti bellatorum eius venientibus ut turbo ad dispergendum me exultatio eorum sicut eius qui devorat pauperem in abscondito

Hab 3:15

Hab 3:15viam fecisti in mari equis tuis in luto aquarum multarum

Hab 3:16

Hab 3:16audivi et conturbatus est venter meus ad vocem contremuerunt labia mea ingrediatur putredo in ossibus meis et subter me scateat ut requiescam in die tribulationis ut ascendam ad populum accinctum nostrum

Hab 3:17

Hab 3:17ficus enim non florebit et non erit germen in vineis mentietur opus olivae et arva non adferent cibum abscidetur de ovili pecus et non erit armentum in praesepibus

Hab 3:18

Hab 3:18ego autem in Domino gaudebo exultabo in Deo Iesu meo

Hab 3:19

Hab 3:19Dominus Deus fortitudo mea et ponet pedes meos quasi cervorum et super excelsa mea deducet me victori in psalmis canentem

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.