Genesis (Genesis) 9 :: Latin Vulgate (VUL)

Gen 9:1benedixitque Deus Noe et filiis eius et dixit ad eos crescite et multiplicamini et implete terram

Gen 9:2et terror vester ac tremor sit super cuncta animalia terrae et super omnes volucres caeli cum universis quae moventur in terra omnes pisces maris manui vestrae traditi sunt

Gen 9:3

Gen 9:3et omne quod movetur et vivit erit vobis in cibum quasi holera virentia tradidi vobis omnia

Gen 9:4

Gen 9:4excepto quod carnem cum sanguine non comedetis

Gen 9:5

Gen 9:5sanguinem enim animarum vestrarum requiram de manu cunctarum bestiarum et de manu hominis de manu viri et fratris eius requiram animam hominis

Gen 9:6

Gen 9:6quicumque effuderit humanum sanguinem fundetur sanguis illius ad imaginem quippe Dei factus est homo

Gen 9:7

Gen 9:7vos autem crescite et multiplicamini et ingredimini super terram et implete eam

Gen 9:8

Gen 9:8haec quoque dixit Deus ad Noe et ad filios eius cum eo

Gen 9:9

Gen 9:9ecce ego statuam pactum meum vobiscum et cum semine vestro post vos

Gen 9:10

Gen 9:10et ad omnem animam viventem quae est vobiscum tam in volucribus quam in iumentis et pecudibus terrae cunctis quae egressa sunt de arca et universis bestiis terrae

Gen 9:11

Gen 9:11statuam pactum meum vobiscum et nequaquam ultra interficietur omnis caro aquis diluvii neque erit deinceps diluvium dissipans terram

Gen 9:12

Gen 9:12dixitque Deus hoc signum foederis quod do inter me et vos et ad omnem animam viventem quae est vobiscum in generationes sempiternas

Gen 9:13

Gen 9:13arcum meum ponam in nubibus et erit signum foederis inter me et inter terram

Gen 9:14

Gen 9:14cumque obduxero nubibus caelum apparebit arcus meus in nubibus

Gen 9:15

Gen 9:15et recordabor foederis mei vobiscum et cum omni anima vivente quae carnem vegetat et non erunt ultra aquae diluvii ad delendam universam carnem

Gen 9:16

Gen 9:16eritque arcus in nubibus et videbo illum et recordabor foederis sempiterni quod pactum est inter Deum et inter omnem animam viventem universae carnis quae est super terram

Gen 9:17

Gen 9:17dixitque Deus Noe hoc erit signum foederis quod constitui inter me et inter omnem carnem super terram

Gen 9:18

Gen 9:18erant igitur filii Noe qui egressi sunt de arca Sem Ham et Iafeth porro Ham ipse est pater Chanaan

Gen 9:19

Gen 9:19tres isti sunt filii Noe et ab his disseminatum est omne hominum genus super universam terram

Gen 9:20

Gen 9:20coepitque Noe vir agricola exercere terram et plantavit vineam

Gen 9:21

Gen 9:21bibensque vinum inebriatus est et nudatus in tabernaculo suo

Gen 9:22

Gen 9:22quod cum vidisset Ham pater Chanaan verenda scilicet patris sui esse nuda nuntiavit duobus fratribus suis foras

Gen 9:23

Gen 9:23at vero Sem et Iafeth pallium inposuerunt umeris suis et incedentes retrorsum operuerunt verecunda patris sui faciesque eorum aversae erant et patris virilia non viderunt

Gen 9:24

Gen 9:24evigilans autem Noe ex vino cum didicisset quae fecerat ei filius suus minor

Gen 9:25

Gen 9:25ait maledictus Chanaan servus servorum erit fratribus suis

Gen 9:26

Gen 9:26dixitque benedictus Dominus Deus Sem sit Chanaan servus eius

Gen 9:27

Gen 9:27dilatet Deus Iafeth et habitet in tabernaculis Sem sitque Chanaan servus eius

Gen 9:28

Gen 9:28vixit autem Noe post diluvium trecentis quinquaginta annis

Gen 9:29

Gen 9:29et impleti sunt omnes dies eius nongentorum quinquaginta annorum et mortuus est

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.