Genesis (Genesis) 48 :: Latin Vulgate (VUL)

(Heb 11:21 )

Gen 48:1his ita transactis nuntiatum est Ioseph quod aegrotaret pater eius qui adsumptis duobus filiis Manasse et Ephraim ire perrexit

Gen 48:2

Gen 48:2dictumque est seni ecce filius tuus Ioseph venit ad te qui confortatus sedit in lectulo

Gen 48:3

Gen 48:3et ingresso ad se ait Deus omnipotens apparuit mihi in Luza quae est in terra Chanaan benedixitque mihi

Gen 48:4

Gen 48:4et ait ego te augebo et multiplicabo et faciam in turbas populorum daboque tibi terram hanc et semini tuo post te in possessionem sempiternam

Gen 48:5

Gen 48:5duo igitur filii tui qui nati sunt tibi in terra Aegypti antequam huc venirem ad te mei erunt Ephraim et Manasses sicut Ruben et Symeon reputabuntur mihi

Gen 48:6

Gen 48:6reliquos autem quos genueris post eos tui erunt et nomine fratrum suorum vocabuntur in possessionibus suis

Gen 48:7

Gen 48:7mihi enim quando veniebam de Mesopotamiam mortua est Rahel in terra Chanaan in ipso itinere eratque vernum tempus et ingrediebar Ephratam et sepelivi eam iuxta viam Ephratae quae alio nomine appellatur Bethleem

Gen 48:8

Gen 48:8videns autem filios eius dixit ad eum qui sunt isti

Gen 48:9

Gen 48:9respondit filii mei sunt quos dedit mihi Deus in hoc loco adduc inquit eos ad me ut benedicam illis

Gen 48:10

Gen 48:10oculi enim Israhel caligabant prae nimia senectute et clare videre non poterat adplicitosque ad se deosculatus et circumplexus

Gen 48:11

Gen 48:11dixit ad filium non sum fraudatus aspectu tuo insuper ostendit mihi Deus semen tuum

Gen 48:12

Gen 48:12cumque tulisset eos Ioseph de gremio patris adoravit pronus in terram

Gen 48:13

Gen 48:13et posuit Ephraim ad dexteram suam id est ad sinistram Israhel Manassen vero in sinistra sua ad dexteram scilicet patris adplicuitque ambos ad eum

Gen 48:14

Gen 48:14qui extendens manum dextram posuit super caput Ephraim iunioris fratris sinistram autem super caput Manasse qui maior natu erat commutans manus

Gen 48:15

Gen 48:15benedixitque Ioseph filio suo et ait Deus in cuius conspectu ambulaverunt patres mei Abraham et Isaac Deus qui pascit me ab adulescentia mea usque in praesentem diem

Gen 48:16

Gen 48:16angelus qui eruit me de cunctis malis benedicat pueris et invocetur super eos nomen meum nomina quoque patrum meorum Abraham et Isaac et crescant in multitudinem super terram

Gen 48:17

Gen 48:17videns autem Ioseph quod posuisset pater suus dexteram manum super caput Ephraim graviter accepit et adprehensam patris manum levare conatus est de capite Ephraim et transferre super caput Manasse

Gen 48:18

Gen 48:18dixitque ad patrem non ita convenit pater quia hic est primogenitus pone dexteram tuam super caput eius

Gen 48:19

Gen 48:19qui rennuens ait scio fili mi scio et iste quidem erit in populos et multiplicabitur sed frater eius iunior maior illo erit et semen illius crescet in gentes

Gen 48:20

Gen 48:20benedixitque eis in ipso tempore dicens in te benedicetur Israhel atque dicetur faciat tibi Deus sicut Ephraim et sicut Manasse constituitque Ephraim ante Manassen

Gen 48:21

Gen 48:21et ait ad Ioseph filium suum en ego morior et erit Deus vobiscum reducetque vos ad terram patrum vestrorum

Gen 48:22

Gen 48:22do tibi partem unam extra fratres tuos quam tuli de manu Amorrei in gladio et arcu meo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.