Genesis (Genesis) 46 (VUL) - profectusque Israhel cum omnibus quae

¶

Gen 46:1profectusque Israhel cum omnibus quae habebat venit ad puteum Iuramenti et mactatis ibi victimis Deo patris sui Isaac

Gen 46:2

Gen 46:2audivit eum per visionem nocte vocantem se et dicentem sibi Iacob Iacob cui respondit ecce adsum

Gen 46:3

¶

Gen 46:3ait illi Deus ego sum Fortissimus Deus patris tui noli timere et descende in Aegyptum quia in gentem magnam faciam te ibi

Gen 46:4

Gen 46:4ego descendam tecum illuc et ego inde adducam te revertentem Ioseph quoque ponet manum suam super oculos tuos

Gen 46:5

¶

Gen 46:5surrexit Iacob a puteo Iuramenti tuleruntque eum filii cum parvulis et uxoribus suis in plaustris quae miserat Pharao ad portandum senem

Gen 46:6

Gen 46:6et omnia quae possederat in terra Chanaan venitque in Aegyptum cum omni semine suo

Gen 46:7

Gen 46:7filii eius et nepotes filiae et cuncta simul progenies

Gen 46:8

¶

Gen 46:8haec sunt autem nomina filiorum Israhel qui ingressi sunt in Aegyptum ipse cum liberis suis primogenitus Ruben

Gen 46:9

Gen 46:9filii Ruben Enoch et Phallu et Esrom et Charmi

Gen 46:10

Gen 46:10filii Symeon Iemuhel et Iamin et Ahod et Iachin et Saher et Saul filius Chananitidis

Gen 46:11

Gen 46:11filii Levi Gerson Caath et Merari

Gen 46:12

Gen 46:12filii Iuda Her et Onan et Sela et Phares et Zara mortui sunt autem Her et Onan in terra Chanaan natique sunt filii Phares Esrom et Amul

Gen 46:13

Gen 46:13filii Isachar Thola et Phua et Iob et Semron

Gen 46:14

Gen 46:14filii Zabulon Sared et Helon et Iahelel

Gen 46:15

Gen 46:15hii filii Liae quos genuit in Mesopotamiam Syriae cum Dina filia sua omnes animae filiorum eius et filiarum triginta tres

Gen 46:16

¶

Gen 46:16filii Gad Sephion et Haggi Suni et Esebon Heri et Arodi et Areli

Gen 46:17

Gen 46:17filii Aser Iamne et Iesua et Iesui et Beria Sara quoque soror eorum filii Beria Heber et Melchihel

Gen 46:18

Gen 46:18hii filii Zelphae quam dedit Laban Liae filiae suae et hos genuit Iacob sedecim animas

Gen 46:19

¶

Gen 46:19filii Rahel uxoris Iacob Ioseph et Beniamin

Gen 46:20

Gen 46:20natique sunt Ioseph filii in terra Aegypti quos genuit ei Aseneth filia Putiphare sacerdotis Heliopoleos Manasses et Ephraim

Gen 46:21

Gen 46:21filii Beniamin Bela et Bechor et Asbel Gera et Naaman et Ehi et Ros Mophim et Opphim et Ared

Gen 46:22

Gen 46:22hii filii Rahel quos genuit Iacob omnes animae quattuordecim

Gen 46:23

¶

Gen 46:23filii Dan Usim

Gen 46:24

Gen 46:24filii Nepthalim Iasihel et Guni et Hieser et Sallem

Gen 46:25

Gen 46:25hii filii Balae quam dedit Laban Raheli filiae suae et hos genuit Iacob omnes animae septem

Gen 46:26

¶

Gen 46:26cunctae animae quae ingressae sunt cum Iacob in Aegyptum et egressae de femore illius absque uxoribus filiorum sexaginta sex

Gen 46:27

Gen 46:27filii autem Ioseph qui nati sunt ei in terra Aegypti animae duae omnis anima domus Iacob quae ingressa est Aegyptum fuere septuaginta

Gen 46:28

¶

Gen 46:28misit autem Iudam ante se ad Ioseph ut nuntiaret ei et ille occurreret in Gessen

Gen 46:29

Gen 46:29quo cum pervenisset iuncto Ioseph curru suo ascendit obviam patri ad eundem locum vidensque eum inruit super collum eius et inter amplexus flevit

Gen 46:30

¶

Gen 46:30dixitque pater ad Ioseph iam laetus moriar quia vidi faciem tuam et superstitem te relinquo

Gen 46:31

¶

Gen 46:31et ille locutus est ad fratres et ad omnem domum patris sui ascendam et nuntiabo Pharaoni dicamque ei fratres mei et domus patris mei qui erant in terra Chanaan venerunt ad me

Gen 46:32

Gen 46:32et sunt viri pastores ovium curamque habent alendorum gregum pecora sua et armenta et omnia quae habere potuerunt adduxerunt secum

Gen 46:33

Gen 46:33cumque vocaverit vos et dixerit quod est opus vestrum

Gen 46:34

Gen 46:34respondebitis viri pastores sumus servi tui ab infantia nostra usque in praesens et nos et patres nostri haec autem dicetis ut habitare possitis in terra Gessen quia detestantur Aegyptii omnes pastores ovium

Genesis (Genesis) 46 :: Latin Vulgate (VUL)