Genesis (Genesis) 41 (VUL) - post duos annos vidit Pharao

¶

Gen 41:1post duos annos vidit Pharao somnium putabat se stare super fluvium

Gen 41:2de quo ascendebant septem boves pulchrae et crassae nimis et pascebantur in locis palustribus

Gen 41:3aliae quoque septem emergebant de flumine foedae confectaeque macie et pascebantur in ipsa amnis ripa in locis virentibus

Gen 41:4

Gen 41:4devoraveruntque eas quarum mira species et habitudo corporum erat expergefactus Pharao

Gen 41:5

Gen 41:5rursum dormivit et vidit alterum somnium septem spicae pullulabant in culmo uno plenae atque formonsae

Gen 41:6

Gen 41:6aliae quoque totidem spicae tenues et percussae uredine oriebantur

Gen 41:7

Gen 41:7devorantes omnem priorum pulchritudinem evigilans post quietem

Gen 41:8

Gen 41:8et facto mane pavore perterritus misit ad coniectores Aegypti cunctosque sapientes et accersitis narravit somnium nec erat qui interpretaretur

Gen 41:9

¶

Gen 41:9tunc demum reminiscens pincernarum magister ait confiteor peccatum meum

Gen 41:10

Gen 41:10iratus rex servis suis me et magistrum pistorum retrudi iussit in carcerem principis militum

Gen 41:11

Gen 41:11ubi una nocte uterque vidimus somnium praesagum futurorum

Gen 41:12

Gen 41:12erat ibi puer hebraeus eiusdem ducis militum famulus cui narrantes somnia

Gen 41:13

Gen 41:13audivimus quicquid postea rei probavit eventus ego enim redditus sum officio meo et ille suspensus est in cruce

Gen 41:14

¶

Gen 41:14protinus ad regis imperium eductum de carcere Ioseph totonderunt ac veste mutata obtulerunt ei

Gen 41:15

Gen 41:15cui ille ait vidi somnia nec est qui edisserat quae audivi te prudentissime conicere

Gen 41:16

¶

Gen 41:16respondit Ioseph absque me Deus respondebit prospera Pharaoni

Gen 41:17

¶

Gen 41:17narravit ergo ille quod viderat putabam me stare super ripam fluminis

Gen 41:18

Gen 41:18et septem boves de amne conscendere pulchras nimis et obesis carnibus quae in pastu paludis virecta carpebant

Gen 41:19

Gen 41:19et ecce has sequebantur aliae septem boves in tantum deformes et macilentae ut numquam tales in terra Aegypti viderim

Gen 41:20

Gen 41:20quae devoratis et consumptis prioribus

Gen 41:21

Gen 41:21nullum saturitatis dedere vestigium sed simili macie et squalore torpebant evigilans rursum sopore depressus

Gen 41:22

Gen 41:22vidi somnium septem spicae pullulabant in culmo uno plenae atque pulcherrimae

Gen 41:23

Gen 41:23aliae quoque septem tenues et percussae uredine oriebantur stipula

Gen 41:24

Gen 41:24quae priorum pulchritudinem devorarunt narravi coniectoribus somnium et nemo est qui edisserat

Gen 41:25

¶

Gen 41:25respondit Ioseph somnium regis unum est quae facturus est Deus ostendit Pharaoni

Gen 41:26

Gen 41:26septem boves pulchrae et septem spicae plenae septem ubertatis anni sunt eandemque vim somnii conprehendunt

Gen 41:27

Gen 41:27septem quoque boves tenues atque macilentae quae ascenderunt post eas et septem spicae tenues et vento urente percussae septem anni sunt venturae famis

Gen 41:28

Gen 41:28qui hoc ordine conplebuntur

Gen 41:29

Gen 41:29ecce septem anni venient fertilitatis magnae in universa terra Aegypti

Gen 41:30

Gen 41:30quos sequentur septem anni alii tantae sterilitatis ut oblivioni tradatur cuncta retro abundantia consumptura est enim fames omnem terram

Gen 41:31

Gen 41:31et ubertatis magnitudinem perditura inopiae magnitudo

Gen 41:32

Gen 41:32quod autem vidisti secundo ad eandem rem pertinens somnium firmitatis indicium est eo quod fiat sermo Dei et velocius impleatur

Gen 41:33

¶

Gen 41:33nunc ergo provideat rex virum sapientem et industrium et praeficiat eum terrae Aegypti

Gen 41:34

Gen 41:34qui constituat praepositos per singulas regiones et quintam partem fructuum per septem annos fertilitatis

Gen 41:35

Gen 41:35qui iam nunc futuri sunt congreget in horrea et omne frumentum sub Pharaonis potestate condatur serveturque in urbibus

Gen 41:36

Gen 41:36et paretur futurae septem annorum fami quae pressura est Aegyptum et non consumetur terra inopia

Gen 41:37

¶

Gen 41:37placuit Pharaoni consilium et cunctis ministris eius

Gen 41:38

Gen 41:38locutusque est ad eos num invenire poterimus talem virum qui spiritu Dei plenus sit

Gen 41:39

¶

Gen 41:39dixit ergo ad Ioseph quia ostendit Deus tibi omnia quae locutus es numquid sapientiorem et similem tui invenire potero

Gen 41:40

Gen 41:40tu eris super domum meam et ad tui oris imperium cunctus populus oboediet uno tantum regni solio te praecedam

Gen 41:41

Gen 41:41dicens quoque rursum Pharao ad Ioseph ecce constitui te super universam terram Aegypti

Gen 41:42

¶

Gen 41:42tulit anulum de manu sua et dedit in manu eius vestivitque eum stola byssina et collo torquem auream circumposuit

Gen 41:43

Gen 41:43fecitque ascendere super currum suum secundum clamante praecone ut omnes coram eo genuflecterent et praepositum esse scirent universae terrae Aegypti

Gen 41:44

Gen 41:44dixit quoque rex ad Ioseph ego sum Pharao absque tuo imperio non movebit quisquam manum aut pedem in omni terra Aegypti

Gen 41:45

Gen 41:45vertitque nomen illius et vocavit eum lingua aegyptiaca Salvatorem mundi dedit quoque illi uxorem Aseneth filiam Putiphare sacerdotis Heliopoleos egressus itaque Ioseph ad terram Aegypti

Gen 41:46

¶

Gen 41:46triginta autem erat annorum quando stetit in conspectu regis Pharaonis circuivit omnes regiones Aegypti

Gen 41:47

Gen 41:47venitque fertilitas septem annorum et in manipulos redactae segetes congregatae sunt in horrea Aegypti

Gen 41:48

Gen 41:48omnis etiam frugum abundantia in singulis urbibus condita est

Gen 41:49

Gen 41:49tantaque fuit multitudo tritici ut harenae maris coaequaretur et copia mensuram excederet

Gen 41:50

¶

Gen 41:50nati sunt autem Ioseph filii duo antequam veniret fames quos ei peperit Aseneth filia Putiphare sacerdotis Heliopoleos

Gen 41:51

Gen 41:51vocavitque nomen primogeniti Manasse dicens oblivisci me fecit Deus omnium laborum meorum et domum patris mei

Gen 41:52

Gen 41:52nomen quoque secundi appellavit Ephraim dicens crescere me fecit Deus in terra paupertatis meae

Gen 41:53

¶

Gen 41:53igitur transactis septem annis ubertatis qui fuerant in Aegypto

Gen 41:54

Gen 41:54coeperunt venire septem anni inopiae quos praedixerat Ioseph et in universo orbe fames praevaluit in cuncta autem terra Aegypti erat panis

Gen 41:55

Gen 41:55qua esuriente clamavit populus ad Pharaonem alimenta petens quibus ille respondit ite ad Ioseph et quicquid vobis dixerit facite

Gen 41:56

Gen 41:56crescebat autem cotidie fames in omni terra aperuitque Ioseph universa horrea et vendebat Aegyptiis nam et illos oppresserat fames

Gen 41:57

Gen 41:57omnesque provinciae veniebant in Aegyptum ut emerent escas et malum inopiae temperarent

Genesis (Genesis) 41 :: Latin Vulgate (VUL)