Genesis (Genesis) 40 :: Latin Vulgate (VUL)

Gen 40:1his ita gestis accidit ut peccarent duo eunuchi pincerna regis Aegypti et pistor domino suo

Gen 40:2iratusque Pharao contra eos nam alter pincernis praeerat alter pistoribus

Gen 40:3misit eos in carcerem principis militum in quo erat vinctus et Ioseph

Gen 40:4at custos carceris tradidit eos Ioseph qui et ministrabat eis aliquantum temporis fluxerat et illi in custodia tenebantur

Gen 40:5

Gen 40:5videruntque ambo somnium nocte una iuxta interpretationem congruam sibi

Gen 40:6

Gen 40:6ad quos cum introisset Ioseph mane et vidisset eos tristes

Gen 40:7

Gen 40:7sciscitatus est dicens cur tristior est hodie solito facies vestra

Gen 40:8

Gen 40:8qui responderunt somnium vidimus et non est qui interpretetur nobis dixitque ad eos Ioseph numquid non Dei est interpretatio referte mihi quid videritis

Gen 40:9

Gen 40:9narravit prior praepositus pincernarum somnium videbam coram me vitem

Gen 40:10

Gen 40:10in qua erant tres propagines crescere paulatim gemmas et post flores uvas maturescere

Gen 40:11

Gen 40:11calicemque Pharaonis in manu mea tuli ergo uvas et expressi in calicem quem tenebam et tradidi poculum Pharaoni

Gen 40:12

Gen 40:12respondit Ioseph haec est interpretatio somnii tres propagines tres adhuc dies sunt

Gen 40:13

Gen 40:13post quos recordabitur Pharao magisterii tui et restituet te in gradum pristinum dabisque ei calicem iuxta officium tuum sicut facere ante consueveras

Gen 40:14

Gen 40:14tantum memento mei cum tibi bene fuerit et facies mecum misericordiam ut suggeras Pharaoni et educat me de isto carcere

Gen 40:15

Gen 40:15quia furto sublatus sum de terra Hebraeorum et hic innocens in lacum missus sum

Gen 40:16

Gen 40:16videns pistorum magister quod prudenter somnium dissolvisset ait et ego vidi somnium quod haberem tria canistra farinae super caput meum

Gen 40:17

Gen 40:17et in uno canistro quod erat excelsius portare me omnes cibos qui fiunt arte pistoria avesque comedere ex eo

Gen 40:18

Gen 40:18respondit Ioseph haec est interpretatio somnii tria canistra tres adhuc dies sunt

Gen 40:19

Gen 40:19post quos auferet Pharao caput tuum ac suspendet te in cruce et lacerabunt volucres carnes tuas

Gen 40:20

Gen 40:20exin dies tertius natalicius Pharaonis erat qui faciens grande convivium pueris suis recordatus est inter epulas magistri pincernarum et pistorum principis

Gen 40:21

Gen 40:21restituitque alterum in locum suum ut porrigeret regi poculum

Gen 40:22

Gen 40:22alterum suspendit in patibulo ut coniectoris veritas probaretur

Gen 40:23

Gen 40:23et tamen succedentibus prosperis praepositus pincernarum oblitus est interpretis sui

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.