Genesis (Genesis) 37 (VUL) - habitavit autem Iacob in terra

¶

Gen 37:1habitavit autem Iacob in terra Chanaan in qua peregrinatus est pater suus

Gen 37:2et hae sunt generationes eius Ioseph cum sedecim esset annorum pascebat gregem cum fratribus suis adhuc puer et erat cum filiis Balae et Zelphae uxorum patris sui accusavitque fratres suos apud patrem crimine pessimo

Gen 37:3

¶

Gen 37:3Israhel autem diligebat Ioseph super omnes filios suos eo quod in senectute genuisset eum fecitque ei tunicam polymitam

Gen 37:4

Gen 37:4videntes autem fratres eius quod a patre plus cunctis filiis amaretur oderant eum nec poterant ei quicquam pacificum loqui

Gen 37:5

¶

Gen 37:5accidit quoque ut visum somnium referret fratribus quae causa maioris odii seminarium fuit

Gen 37:6

Gen 37:6dixitque ad eos audite somnium meum quod vidi

Gen 37:7

Gen 37:7putabam ligare nos manipulos in agro et quasi consurgere manipulum meum et stare vestrosque manipulos circumstantes adorare manipulum meum

Gen 37:8

¶

Gen 37:8responderunt fratres eius numquid rex noster eris aut subiciemur dicioni tuae haec ergo causa somniorum atque sermonum invidiae et odii fomitem ministravit

Gen 37:9

¶

Gen 37:9aliud quoque vidit somnium quod narrans fratribus ait vidi per somnium quasi solem et lunam et stellas undecim adorare me

Gen 37:10

¶

Gen 37:10quod cum patri suo et fratribus rettulisset increpavit eum pater et dixit quid sibi vult hoc somnium quod vidisti num ego et mater tua et fratres adorabimus te super terram

Gen 37:11

Gen 37:11invidebant igitur ei fratres sui pater vero rem tacitus considerabat

Gen 37:12

¶

Gen 37:12cumque fratres illius in pascendis gregibus patris morarentur in Sychem

Gen 37:13

Gen 37:13dixit ad eum Israhel fratres tui pascunt oves in Sycimis veni mittam te ad eos quo respondente

Gen 37:14

¶

Gen 37:14praesto sum ait vade et vide si cuncta prospera sint erga fratres tuos et pecora et renuntia mihi quid agatur missus de valle Hebron venit in Sychem

Gen 37:15

¶

Gen 37:15invenitque eum vir errantem in agro et interrogavit quid quaereret

Gen 37:16

¶

Gen 37:16at ille respondit fratres meos quaero indica mihi ubi pascant greges

Gen 37:17

¶

Gen 37:17dixitque ei vir recesserunt de loco isto audivi autem eos dicentes eamus in Dothain perrexit ergo Ioseph post fratres suos et invenit eos in Dothain

Gen 37:18

¶

Gen 37:18qui cum vidissent eum procul antequam accederet ad eos cogitaverunt illum occidere

Gen 37:19

Gen 37:19et mutuo loquebantur ecce somniator venit

Gen 37:20

Gen 37:20venite occidamus eum et mittamus in cisternam veterem dicemusque fera pessima devoravit eum et tunc apparebit quid illi prosint somnia sua

Gen 37:21

¶

Gen 37:21audiens hoc Ruben nitebatur liberare eum de manibus eorum et dicebat

Gen 37:22

Gen 37:22non interficiamus animam eius nec effundatis sanguinem sed proicite eum in cisternam hanc quae est in solitudine manusque vestras servate innoxias hoc autem dicebat volens eripere eum de manibus eorum et reddere patri suo

Gen 37:23

¶

Gen 37:23confestim igitur ut pervenit ad fratres nudaverunt eum tunica talari et polymita

Gen 37:24

Gen 37:24miseruntque in cisternam quae non habebat aquam

Gen 37:25

¶

Gen 37:25et sedentes ut comederent panem viderunt viatores Ismahelitas venire de Galaad et camelos eorum portare aromata et resinam et stacten in Aegyptum

Gen 37:26

Gen 37:26dixit ergo Iudas fratribus suis quid nobis prodest si occiderimus fratrem nostrum et celaverimus sanguinem ipsius

Gen 37:27

Gen 37:27melius est ut vendatur Ismahelitis et manus nostrae non polluantur frater enim et caro nostra est adquieverunt fratres sermonibus eius

Gen 37:28

Gen 37:28et praetereuntibus Madianitis negotiatoribus extrahentes eum de cisterna vendiderunt Ismahelitis viginti argenteis qui duxerunt eum in Aegyptum

Gen 37:29

¶

Gen 37:29reversusque Ruben ad cisternam non invenit puerum

Gen 37:30

Gen 37:30et scissis vestibus pergens ad fratres ait puer non conparet et ego quo ibo

Gen 37:31

¶

Gen 37:31tulerunt autem tunicam eius et in sanguinem hedi quem occiderant tinxerunt

Gen 37:32

Gen 37:32mittentes qui ferrent ad patrem et dicerent hanc invenimus vide utrum tunica filii tui sit an non

Gen 37:33

¶

Gen 37:33quam cum agnovisset pater ait tunica filii mei est fera pessima comedit eum bestia devoravit Ioseph

Gen 37:34

Gen 37:34scissisque vestibus indutus est cilicio lugens filium multo tempore

Gen 37:35

Gen 37:35congregatis autem cunctis liberis eius ut lenirent dolorem patris noluit consolationem recipere et ait descendam ad filium meum lugens in infernum et illo perseverante in fletu

Gen 37:36

¶

Gen 37:36Madianei vendiderunt Ioseph in Aegypto Putiphar eunucho Pharaonis magistro militiae

Genesis (Genesis) 37 :: Latin Vulgate (VUL)