Genesis (Genesis) 33 :: Latin Vulgate (VUL)

Gen 33:1

Gen 33:1levans autem Iacob oculos suos vidit venientem Esau et cum eo quadringentos viros divisitque filios Liae et Rahel ambarumque famularum

Gen 33:2

Gen 33:2et posuit utramque ancillam et liberos earum in principio Liam vero et filios eius in secundo loco Rahel autem et Ioseph novissimos

Gen 33:3

Gen 33:3et ipse praegrediens adoravit pronus in terram septies donec adpropinquaret frater eius

Gen 33:4

Gen 33:4currens itaque Esau obviam fratri suo amplexatus est eum stringensque collum et osculans flevit

Gen 33:5

Gen 33:5levatisque oculis vidit mulieres et parvulos earum et ait quid sibi volunt isti et si ad te pertinent respondit parvuli sunt quos donavit mihi Deus servo tuo

Gen 33:6

Gen 33:6et adpropinquantes ancillae et filii earum incurvati sunt

Gen 33:7

Gen 33:7accessitque Lia cum liberis suis et cum similiter adorassent extremi Ioseph et Rahel adoraverunt

Gen 33:8

Gen 33:8quaenam sunt inquit istae turmae quas obvias habui respondit ut invenirem gratiam coram domino meo

Gen 33:9

Gen 33:9et ille habeo ait plurima frater mi sint tua tibi

Gen 33:10

Gen 33:10dixit Iacob noli ita obsecro sed si inveni gratiam in oculis tuis accipe munusculum de manibus meis sic enim vidi faciem tuam quasi viderim vultum Dei esto mihi propitius

Gen 33:11

Gen 33:11et suscipe benedictionem quam adtuli tibi et quam donavit mihi Deus tribuens omnia vix fratre conpellente suscipiens

Gen 33:12

Gen 33:12ait gradiamur simul eroque socius itineris tui

Gen 33:13

Gen 33:13dixit Iacob nosti domine mi quod parvulos habeam teneros et oves ac boves fetas mecum quas si plus in ambulando fecero laborare morientur una die cuncti greges

Gen 33:14

Gen 33:14praecedat dominus meus ante servum suum et ego sequar paulatim vestigia eius sicut videro posse parvulos meos donec veniam ad dominum meum in Seir

Gen 33:15

Gen 33:15respondit Esau oro te ut de populo qui mecum est saltem socii remaneant viae tuae non est inquit necesse hoc uno indigeo ut inveniam gratiam in conspectu domini mei

Gen 33:16

Gen 33:16reversus est itaque illo die Esau itinere quo venerat in Seir

Gen 33:17

Gen 33:17et Iacob venit in Soccoth ubi aedificata domo et fixis tentoriis appellavit nomen loci illius Soccoth id est Tabernacula

Gen 33:18

Gen 33:18transivitque in Salem urbem Sycimorum quae est in terra Chanaan postquam regressus est de Mesopotamiam Syriae et habitavit iuxta oppidum

Gen 33:19

Gen 33:19emitque partem agri in qua fixerat tabernaculum a filiis Emor patris Sychem centum agnis

Gen 33:20

Gen 33:20et erecto ibi altari invocavit super illud Fortissimum Deum Israhel

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.