Genesis (Genesis) 31 (VUL) - postquam autem audivit verba filiorum

¶

Gen 31:1postquam autem audivit verba filiorum Laban dicentium tulit Iacob omnia quae fuerunt patris nostri et de illius facultate ditatus factus est inclitus

Gen 31:2

Gen 31:2animadvertit quoque faciem Laban quod non esset erga se sicut heri et nudius tertius

Gen 31:3

Gen 31:3maxime dicente sibi Domino revertere in terram patrum tuorum et ad generationem tuam eroque tecum

Gen 31:4

¶

Gen 31:4misit et vocavit Rahel et Liam in agrum ubi pascebat greges

Gen 31:5

Gen 31:5dixitque eis video faciem patris vestri quod non sit erga me sicut heri et nudius tertius Deus autem patris mei fuit mecum

Gen 31:6

Gen 31:6et ipsae nostis quod totis viribus meis servierim patri vestro

Gen 31:7

Gen 31:7sed pater vester circumvenit me et mutavit mercedem meam decem vicibus et tamen non dimisit eum Deus ut noceret mihi

Gen 31:8

Gen 31:8si quando dixit variae erunt mercedes tuae pariebant omnes oves varios fetus quando vero e contrario ait alba quaeque accipies pro mercede omnes greges alba pepererunt

Gen 31:9

Gen 31:9tulitque Deus substantiam patris vestri et dedit mihi

Gen 31:10

¶

Gen 31:10postquam enim conceptus ovium tempus advenerat levavi oculos meos et vidi in somnis ascendentes mares super feminas varios et maculosos et diversorum colorum

Gen 31:11

Gen 31:11dixitque angelus Dei ad me in somnis Iacob et ego respondi adsum

Gen 31:12

Gen 31:12qui ait leva oculos tuos et vide universos masculos ascendentes super feminas varios respersos atque maculosos vidi enim omnia quae fecit tibi Laban

Gen 31:13

Gen 31:13ego sum Deus Bethel ubi unxisti lapidem et votum vovisti mihi nunc ergo surge et egredere de terra hac revertens in terram nativitatis tuae

Gen 31:14

¶

Gen 31:14responderunt Rahel et Lia numquid habemus residui quicquam in facultatibus et hereditate domus patris nostri

Gen 31:15

Gen 31:15nonne quasi alienas reputavit nos et vendidit comeditque pretium nostrum

Gen 31:16

Gen 31:16sed Deus tulit opes patris nostri et nobis eas tradidit ac filiis nostris unde omnia quae praecepit fac

Gen 31:17

¶

Gen 31:17surrexit itaque Iacob et inpositis liberis et coniugibus suis super camelos abiit

Gen 31:18

Gen 31:18tulitque omnem substantiam et greges et quicquid in Mesopotamiam quaesierat pergens ad Isaac patrem suum in terram Chanaan

Gen 31:19

Gen 31:19eo tempore Laban ierat ad tondendas oves et Rahel furata est idola patris sui

Gen 31:20

Gen 31:20noluitque Iacob confiteri socero quod fugeret

Gen 31:21

Gen 31:21cumque abisset tam ipse quam omnia quae iuris eius erant et amne transmisso pergeret contra montem Galaad

Gen 31:22

¶

Gen 31:22nuntiatum est Laban die tertio quod fugeret Iacob

Gen 31:23

Gen 31:23qui adsumptis fratribus suis persecutus est eum diebus septem et conprehendit in monte Galaad

Gen 31:24

Gen 31:24viditque in somnis dicentem sibi Dominum cave ne quicquam aspere loquaris contra Iacob

Gen 31:25

¶

Gen 31:25iamque Iacob extenderat in monte tabernaculum cum ille consecutus eum cum fratribus suis in eodem monte Galaad fixit tentorium

Gen 31:26

¶

Gen 31:26et dixit ad Iacob quare ita egisti ut clam me abigeres filias meas quasi captivas gladio

Gen 31:27

Gen 31:27cur ignorante me fugere voluisti nec indicare mihi ut prosequerer te cum gaudio et canticis et tympanis et cithara

Gen 31:28

Gen 31:28non es passus ut oscularer filios meos ac filias stulte operatus es et nunc

Gen 31:29

Gen 31:29valet quidem manus mea reddere tibi malum sed Deus patris vestri heri dixit mihi cave ne loquaris cum Iacob quicquam durius

Gen 31:30

Gen 31:30esto ad tuos ire cupiebas et desiderio tibi erat domus patris tui cur furatus es deos meos

Gen 31:31

¶

Gen 31:31respondit Iacob quod inscio te profectus sum timui ne violenter auferres filias tuas

Gen 31:32

Gen 31:32quod autem furti arguis apud quemcumque inveneris deos tuos necetur coram fratribus nostris scrutare quicquid tuorum apud me inveneris et aufer haec dicens ignorabat quod Rahel furata esset idola

Gen 31:33

¶

Gen 31:33ingressus itaque Laban tabernaculum Iacob et Liae et utriusque famulae non invenit cumque intrasset tentorium Rahelis

Gen 31:34

Gen 31:34illa festinans abscondit idola subter stramen cameli et sedit desuper scrutantique omne tentorium et nihil invenienti

Gen 31:35

Gen 31:35ait ne irascatur dominus meus quod coram te adsurgere nequeo quia iuxta consuetudinem feminarum nunc accidit mihi sic delusa sollicitudo quaerentis est

Gen 31:36

¶

Gen 31:36tumensque Iacob cum iurgio ait quam ob culpam meam et ob quod peccatum sic exarsisti post me

Gen 31:37

Gen 31:37et scrutatus es omnem supellectilem meam quid invenisti de cuncta substantia domus tuae pone hic coram fratribus meis et fratribus tuis et iudicent inter me et te

Gen 31:38

Gen 31:38idcirco viginti annis fui tecum oves tuae et caprae steriles non fuerunt arietes gregis tui non comedi

Gen 31:39

Gen 31:39nec captum a bestia ostendi tibi ego damnum omne reddebam quicquid furto perierat a me exigebas

Gen 31:40

Gen 31:40die noctuque aestu urebar et gelu fugiebat somnus ab oculis meis

Gen 31:41

Gen 31:41sic per viginti annos in domo tua servivi tibi quattuordecim pro filiabus et sex pro gregibus tuis inmutasti quoque mercedem meam decem vicibus

Gen 31:42

Gen 31:42nisi Deus patris mei Abraham et Timor Isaac adfuisset mihi forsitan modo nudum me dimisisses adflictionem meam et laborem manuum mearum respexit Deus et arguit te heri

Gen 31:43

¶

Gen 31:43respondit ei Laban filiae et filii et greges tui et omnia quae cernis mea sunt quid possum facere filiis et nepotibus meis

Gen 31:44

Gen 31:44veni ergo et ineamus foedus ut sit testimonium inter me et te

Gen 31:45

¶

Gen 31:45tulit itaque Iacob lapidem et erexit illum in titulum

Gen 31:46

Gen 31:46dixitque fratribus suis adferte lapides qui congregantes fecerunt tumulum comederuntque super eum

Gen 31:47

Gen 31:47quem vocavit Laban tumulus Testis et Iacob acervum Testimonii uterque iuxta proprietatem linguae suae

Gen 31:48

Gen 31:48dixitque Laban tumulus iste testis erit inter me et te hodie et idcirco appellatum est nomen eius Galaad id est tumulus Testis

Gen 31:49

Gen 31:49intueatur Dominus et iudicet inter nos quando recesserimus a nobis

Gen 31:50

Gen 31:50si adflixeris filias meas et si introduxeris uxores alias super eas nullus sermonis nostri testis est absque Deo qui praesens respicit

Gen 31:51

¶

Gen 31:51dixitque rursus ad Iacob en tumulus hic et lapis quem erexi inter me et te

Gen 31:52

Gen 31:52testis erit tumulus inquam iste et lapis sint in testimonio si aut ego transiero illum pergens ad te aut tu praeterieris malum mihi cogitans

Gen 31:53

Gen 31:53Deus Abraham et Deus Nahor iudicet inter nos Deus patris eorum iuravit Iacob per Timorem patris sui Isaac

Gen 31:54

Gen 31:54immolatisque victimis in monte vocavit fratres suos ut ederent panem qui cum comedissent manserunt ibi

Gen 31:55

Gen 31:55Laban vero de nocte consurgens osculatus est filios et filias suas et benedixit illis reversus in locum suum

Genesis (Genesis) 31 :: Latin Vulgate (VUL)