Previous Chapter Full Page Full Page Next Chapter

Genesis (Genesis) 30 :: Latin Vulgate (VUL)

Gen 30:1

Gen 30:1cernens autem Rahel quod infecunda esset invidit sorori et ait marito suo da mihi liberos alioquin moriar

Gen 30:2

Gen 30:2cui iratus respondit Iacob num pro Deo ego sum qui privavit te fructu ventris tui

Gen 30:3

Gen 30:3at illa habeo inquit famulam Balam ingredere ad eam ut pariat super genua mea et habeam ex ea filios

Gen 30:4

Gen 30:4deditque illi Balam in coniugium quae

Gen 30:5

Gen 30:5ingresso ad se viro concepit et peperit filium

Gen 30:6

Gen 30:6dixitque Rahel iudicavit mihi Dominus et exaudivit vocem meam dans mihi filium et idcirco appellavit nomen illius Dan

Gen 30:7

Gen 30:7rursumque Bala concipiens peperit alterum

Gen 30:8

Gen 30:8pro quo ait Rahel conparavit me Deus cum sorore mea et invalui vocavitque eum Nepthalim

Gen 30:9

Gen 30:9sentiens Lia quod parere desisset Zelpham ancillam suam marito tradidit

Gen 30:10

Gen 30:10qua post conceptum edente filium

Gen 30:11

Gen 30:11dixit feliciter et idcirco vocavit nomen eius Gad

Gen 30:12

Gen 30:12peperit quoque Zelpha alterum

Gen 30:13

Gen 30:13dixitque Lia hoc pro beatitudine mea beatam quippe me dicent mulieres propterea appellavit eum Aser

Gen 30:14

Gen 30:14egressus autem Ruben tempore messis triticeae in agro repperit mandragoras quos matri Liae detulit dixitque Rahel da mihi partem de mandragoris filii tui

Gen 30:15

Gen 30:15illa respondit parumne tibi videtur quod praeripueris maritum mihi nisi etiam mandragoras filii mei tuleris ait Rahel dormiat tecum hac nocte pro mandragoris filii tui

Gen 30:16

Gen 30:16redeuntique ad vesperam de agro Iacob egressa est in occursum Lia et ad me inquit intrabis quia mercede conduxi te pro mandragoris filii mei dormivit cum ea nocte illa

Gen 30:17

Gen 30:17et exaudivit Deus preces eius concepitque et peperit filium quintum

Gen 30:18

Gen 30:18et ait dedit Deus mercedem mihi quia dedi ancillam meam viro meo appellavitque nomen illius Isachar

Gen 30:19

Gen 30:19rursum Lia concipiens peperit sextum filium

Gen 30:20

Gen 30:20et ait ditavit me Deus dote bona etiam hac vice mecum erit maritus meus eo quod genuerim ei sex filios et idcirco appellavit nomen eius Zabulon

Gen 30:21

Gen 30:21post quem peperit filiam nomine Dinam

Gen 30:22

Gen 30:22recordatus quoque Dominus Rahelis exaudivit eam et aperuit vulvam illius

Gen 30:23

Gen 30:23quae concepit et peperit filium dicens abstulit Deus obprobrium meum

Gen 30:24

Gen 30:24et vocavit nomen illius Ioseph dicens addat mihi Dominus filium alterum

Gen 30:25

Gen 30:25nato autem Ioseph dixit Iacob socero suo dimitte me ut revertar in patriam et ad terram meam

Gen 30:26

Gen 30:26da mihi uxores et liberos meos pro quibus servivi tibi ut abeam tu nosti servitutem qua servivi tibi

Gen 30:27

Gen 30:27ait ei Laban inveniam gratiam in conspectu tuo experimento didici quod benedixerit mihi Deus propter te

Gen 30:28

Gen 30:28constitue mercedem tuam quam dem tibi

Gen 30:29

Gen 30:29at ille respondit tu nosti quomodo servierim tibi et quanta in manibus meis fuerit possessio tua

Gen 30:30

Gen 30:30modicum habuisti antequam venirem et nunc dives effectus es benedixitque tibi Dominus ad introitum meum iustum est igitur ut aliquando provideam etiam domui meae

Gen 30:31

Gen 30:31dixitque Laban quid dabo tibi at ille ait nihil volo sed si feceris quod postulo iterum pascam et custodiam pecora tua

Gen 30:32

Gen 30:32gyra omnes greges tuos et separa cunctas oves varias et sparso vellere et quodcumque furvum et maculosum variumque fuerit tam in ovibus quam in capris erit merces mea

Gen 30:33

Gen 30:33respondebitque mihi cras iustitia mea quando placiti tempus advenerit coram te et omnia quae non fuerint varia et maculosa et furva tam in ovibus quam in capris furti me arguent

Gen 30:34

Gen 30:34dixit Laban gratum habeo quod petis

Gen 30:35

Gen 30:35et separavit in die illo capras et oves hircos et arietes varios atque maculosos cunctum autem gregem unicolorem id est albi et nigri velleris tradidit in manu filiorum suorum

Gen 30:36

Gen 30:36et posuit spatium itineris inter se et generum dierum trium qui pascebat reliquos greges eius

Gen 30:37

Gen 30:37tollens ergo Iacob virgas populeas virides et amigdalinas et ex platanis ex parte decorticavit eas detractisque corticibus in his quae spoliata fuerant candor apparuit illa vero quae integra erant viridia permanserunt atque in hunc modum color effectus est varius

Gen 30:38

Gen 30:38posuitque eas in canalibus ubi effundebatur aqua ut cum venissent greges ad bibendum ante oculos haberent virgas et in aspectu earum conciperent

Gen 30:39

Gen 30:39factumque est ut in ipso calore coitus oves intuerentur virgas et parerent maculosa et varia et diverso colore respersa

Gen 30:40

Gen 30:40divisitque gregem Iacob et posuit virgas ante oculos arietum erant autem alba quaeque et nigra Laban cetera vero Iacob separatis inter se gregibus

Gen 30:41

Gen 30:41igitur quando primo tempore ascendebantur oves ponebat Iacob virgas in canalibus aquarum ante oculos arietum et ovium ut in earum contemplatione conciperent

Gen 30:42

Gen 30:42quando vero serotina admissura erat et conceptus extremus non ponebat eas factaque sunt ea quae erant serotina Laban et quae primi temporis Iacob

Gen 30:43

Gen 30:43ditatusque est homo ultra modum et habuit greges multos ancillas et servos camelos et asinos
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Genesis Chapter 30 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Open New Arabic Version Westminster Leningrad Codex Septuagint Smith Van Dyck Arabic Bible Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras