Genesis (Genesis) 29 (VUL) - profectus ergo Iacob venit ad

¶

Gen 29:1profectus ergo Iacob venit ad terram orientalem

Gen 29:2et vidit puteum in agro tresque greges ovium accubantes iuxta eum nam ex illo adaquabantur pecora et os eius grandi lapide claudebatur

Gen 29:3

Gen 29:3morisque erat ut cunctis ovibus congregatis devolverent lapidem et refectis gregibus rursum super os putei ponerent

Gen 29:4

¶

Gen 29:4dixitque ad pastores fratres unde estis qui responderunt de Haran

Gen 29:5

¶

Gen 29:5quos interrogans numquid ait nostis Laban filium Nahor dixerunt novimus

Gen 29:6

¶

Gen 29:6sanusne est inquit valet inquiunt et ecce Rahel filia eius venit cum grege suo

Gen 29:7

¶

Gen 29:7dixitque Iacob adhuc multum diei superest nec est tempus ut reducantur ad caulas greges date ante potum ovibus et sic ad pastum eas reducite

Gen 29:8

¶

Gen 29:8qui responderunt non possumus donec omnia pecora congregentur et amoveamus lapidem de ore putei ut adaquemus greges

Gen 29:9

¶

Gen 29:9adhuc loquebantur et ecce Rahel veniebat cum ovibus patris sui nam gregem ipsa pascebat

Gen 29:10

Gen 29:10quam cum vidisset Iacob et sciret consobrinam suam ovesque Laban avunculi sui amovit lapidem quo puteus claudebatur

Gen 29:11

Gen 29:11et adaquato grege osculatus est eam elevataque voce flevit

Gen 29:12

Gen 29:12et indicavit ei quod frater esset patris eius et filius Rebeccae at illa festinans nuntiavit patri suo

Gen 29:13

¶

Gen 29:13qui cum audisset venisse Iacob filium sororis suae cucurrit obviam conplexusque eum et in oscula ruens duxit in domum suam auditis autem causis itineris

Gen 29:14

Gen 29:14respondit os meum es et caro mea et postquam expleti sunt dies mensis unius

Gen 29:15

¶

Gen 29:15dixit ei num quia frater meus es gratis servies mihi dic quid mercedis accipias

Gen 29:16

Gen 29:16habebat vero filias duas nomen maioris Lia minor appellabatur Rahel

Gen 29:17

Gen 29:17sed Lia lippis erat oculis Rahel decora facie et venusto aspectu

Gen 29:18

¶

Gen 29:18quam diligens Iacob ait serviam tibi pro Rahel filia tua minore septem annis

Gen 29:19

¶

Gen 29:19respondit Laban melius est ut tibi eam dem quam viro alteri mane apud me

Gen 29:20

Gen 29:20servivit igitur Iacob pro Rahel septem annis et videbantur illi pauci dies prae amoris magnitudine

Gen 29:21

¶

Gen 29:21dixitque ad Laban da mihi uxorem meam quia iam tempus expletum est ut ingrediar ad eam

Gen 29:22

Gen 29:22qui vocatis multis amicorum turbis ad convivium fecit nuptias

Gen 29:23

Gen 29:23et vespere filiam suam Liam introduxit ad eum

Gen 29:24

Gen 29:24dans ancillam filiae Zelpham nomine ad quam cum ex more Iacob fuisset ingressus facto mane vidit Liam

Gen 29:25

Gen 29:25et dixit ad socerum quid est quod facere voluisti nonne pro Rahel servivi tibi quare inposuisti mihi

Gen 29:26

¶

Gen 29:26respondit Laban non est in loco nostro consuetudinis ut minores ante tradamus ad nuptias

Gen 29:27

Gen 29:27imple ebdomadem dierum huius copulae et hanc quoque dabo tibi pro opere quo serviturus es mihi septem annis aliis

Gen 29:28

¶

Gen 29:28adquievit placito et ebdomade transacta Rahel duxit uxorem

Gen 29:29

Gen 29:29cui pater servam Balam dederat

Gen 29:30

Gen 29:30tandemque potitus optatis nuptiis amorem sequentis priori praetulit serviens apud eum septem annis aliis

Gen 29:31

¶

Gen 29:31videns autem Dominus quod despiceret Liam aperuit vulvam eius sorore sterili permanente

Gen 29:32

Gen 29:32quae conceptum genuit filium vocavitque nomen eius Ruben dicens vidit Dominus humilitatem meam nunc amabit me vir meus

Gen 29:33

Gen 29:33rursumque concepit et peperit filium et ait quoniam audivit Dominus haberi me contemptui dedit etiam istum mihi vocavitque nomen illius Symeon

Gen 29:34

Gen 29:34concepit tertio et genuit alium dixitque nunc quoque copulabitur mihi maritus meus eo quod pepererim illi tres filios et idcirco appellavit nomen eius Levi

Gen 29:35

Gen 29:35quarto concepit et peperit filium et ait modo confitebor Domino et ob hoc vocavit eum Iudam cessavitque parere

Genesis (Genesis) 29 :: Latin Vulgate (VUL)