Previous Chapter Full Page Full Page Next Chapter

Genesis (Genesis) 2 :: Latin Vulgate (VUL)

Gen 2:1

Gen 2:1igitur perfecti sunt caeli et terra et omnis ornatus eorum

Gen 2:2

Gen 2:2conplevitque Deus die septimo opus suum quod fecerat et requievit die septimo ab universo opere quod patrarat

Gen 2:3

Gen 2:3et benedixit diei septimo et sanctificavit illum quia in ipso cessaverat ab omni opere suo quod creavit Deus ut faceret

Gen 2:4

Gen 2:4istae generationes caeli et terrae quando creatae sunt in die quo fecit Dominus Deus caelum et terram

Gen 2:5

Gen 2:5et omne virgultum agri antequam oreretur in terra omnemque herbam regionis priusquam germinaret non enim pluerat Dominus Deus super terram et homo non erat qui operaretur terram

Gen 2:6

Gen 2:6sed fons ascendebat e terra inrigans universam superficiem terrae

Gen 2:7

Gen 2:7formavit igitur Dominus Deus hominem de limo terrae et inspiravit in faciem eius spiraculum vitae et factus est homo in animam viventem

Gen 2:8

Gen 2:8plantaverat autem Dominus Deus paradisum voluptatis a principio in quo posuit hominem quem formaverat

Gen 2:9

Gen 2:9produxitque Dominus Deus de humo omne lignum pulchrum visu et ad vescendum suave lignum etiam vitae in medio paradisi lignumque scientiae boni et mali

Gen 2:10

Gen 2:10et fluvius egrediebatur de loco voluptatis ad inrigandum paradisum qui inde dividitur in quattuor capita

Gen 2:11

Gen 2:11nomen uni Phison ipse est qui circuit omnem terram Evilat ubi nascitur aurum

Gen 2:12

Gen 2:12et aurum terrae illius optimum est ibique invenitur bdellium et lapis onychinus

Gen 2:13

Gen 2:13et nomen fluvio secundo Geon ipse est qui circuit omnem terram Aethiopiae

Gen 2:14

Gen 2:14nomen vero fluminis tertii Tigris ipse vadit contra Assyrios fluvius autem quartus ipse est Eufrates

Gen 2:15

Gen 2:15tulit ergo Dominus Deus hominem et posuit eum in paradiso voluptatis ut operaretur et custodiret illum

Gen 2:16

Gen 2:16praecepitque ei dicens ex omni ligno paradisi comede

Gen 2:17

Gen 2:17de ligno autem scientiae boni et mali ne comedas in quocumque enim die comederis ex eo morte morieris

Gen 2:18

Gen 2:18dixit quoque Dominus Deus non est bonum esse hominem solum faciamus ei adiutorium similem sui

Gen 2:19

Gen 2:19formatis igitur Dominus Deus de humo cunctis animantibus terrae et universis volatilibus caeli adduxit ea ad Adam ut videret quid vocaret ea omne enim quod vocavit Adam animae viventis ipsum est nomen eius

Gen 2:20

Gen 2:20appellavitque Adam nominibus suis cuncta animantia et universa volatilia caeli et omnes bestias terrae Adam vero non inveniebatur adiutor similis eius

Gen 2:21

Gen 2:21inmisit ergo Dominus Deus soporem in Adam cumque obdormisset tulit unam de costis eius et replevit carnem pro ea

Gen 2:22

Gen 2:22et aedificavit Dominus Deus costam quam tulerat de Adam in mulierem et adduxit eam ad Adam

Gen 2:23

Gen 2:23dixitque Adam hoc nunc os ex ossibus meis et caro de carne mea haec vocabitur virago quoniam de viro sumpta est

Gen 2:24

Gen 2:24quam ob rem relinquet homo patrem suum et matrem et adherebit uxori suae et erunt duo in carne una

Gen 2:25

Gen 2:25erant autem uterque nudi Adam scilicet et uxor eius et non erubescebant
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Genesis Chapter 2 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Westminster Leningrad Codex Septuagint Smith Van Dyck Arabic Bible Open New Arabic Version Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras