Genesis (Genesis) 18 (VUL) - apparuit autem ei Dominus in

¶

Gen 18:1apparuit autem ei Dominus in convalle Mambre sedenti in ostio tabernaculi sui in ipso fervore diei

Gen 18:2cumque elevasset oculos apparuerunt ei tres viri stantes propter eum quos cum vidisset cucurrit in occursum eorum de ostio tabernaculi et adoravit in terra

Gen 18:3

Gen 18:3et dixit Domine si inveni gratiam in oculis tuis ne transeas servum tuum

Gen 18:4

Gen 18:4sed adferam pauxillum aquae et lavate pedes vestros et requiescite sub arbore

Gen 18:5

Gen 18:5ponam buccellam panis et confortate cor vestrum postea transibitis idcirco enim declinastis ad servum vestrum qui dixerunt fac ut locutus es

Gen 18:6

¶

Gen 18:6festinavit Abraham in tabernaculum ad Sarram dixitque ei adcelera tria sata similae commisce et fac subcinericios panes

Gen 18:7

Gen 18:7ipse vero ad armentum cucurrit et tulit inde vitulum tenerrimum et optimum deditque puero qui festinavit et coxit illum

Gen 18:8

Gen 18:8tulit quoque butyrum et lac et vitulum quem coxerat et posuit coram eis ipse vero stabat iuxta eos sub arbore

Gen 18:9

¶

Gen 18:9cumque comedissent dixerunt ad eum ubi est Sarra uxor tua ille respondit ecce in tabernaculo est

Gen 18:10

¶

Gen 18:10cui dixit revertens veniam ad te tempore isto vita comite et habebit filium Sarra uxor tua quo audito Sarra risit post ostium tabernaculi

Gen 18:11

Gen 18:11erant autem ambo senes provectaeque aetatis et desierant Sarrae fieri muliebria

Gen 18:12

Gen 18:12quae risit occulte dicens postquam consenui et dominus meus vetulus est voluptati operam dabo

Gen 18:13

¶

Gen 18:13dixit autem Dominus ad Abraham quare risit Sarra dicens num vere paritura sum anus

Gen 18:14

Gen 18:14numquid Deo est quicquam difficile iuxta condictum revertar ad te hoc eodem tempore vita comite et habebit Sarra filium

Gen 18:15

¶

Gen 18:15negavit Sarra dicens non risi timore perterrita Dominus autem non est inquit ita sed risisti

Gen 18:16

¶

Gen 18:16cum ergo surrexissent inde viri direxerunt oculos suos contra Sodomam et Abraham simul gradiebatur deducens eos

Gen 18:17

Gen 18:17dixitque Dominus num celare potero Abraham quae gesturus sum

Gen 18:18

Gen 18:18cum futurus sit in gentem magnam ac robustissimam et benedicendae sint in illo omnes nationes terrae

Gen 18:19

Gen 18:19scio enim quod praecepturus sit filiis suis et domui suae post se ut custodiant viam Domini et faciant iustitiam et iudicium ut adducat Dominus propter Abraham omnia quae locutus est ad eum

Gen 18:20

Gen 18:20dixit itaque Dominus clamor Sodomorum et Gomorrae multiplicatus est et peccatum earum adgravatum est nimis

Gen 18:21

Gen 18:21descendam et videbo utrum clamorem qui venit ad me opere conpleverint an non est ita ut sciam

Gen 18:22

¶

Gen 18:22converteruntque se inde et abierunt Sodomam Abraham vero adhuc stabat coram Domino

Gen 18:23

Gen 18:23et adpropinquans ait numquid perdes iustum cum impio

Gen 18:24

Gen 18:24si fuerint quinquaginta iusti in civitate peribunt simul et non parces loco illi propter quinquaginta iustos si fuerint in eo

Gen 18:25

Gen 18:25absit a te ut rem hanc facias et occidas iustum cum impio fiatque iustus sicut impius non est hoc tuum qui iudicas omnem terram nequaquam facies iudicium

Gen 18:26

¶

Gen 18:26dixitque Dominus ad eum si invenero Sodomis quinquaginta iustos in medio civitatis dimittam omni loco propter eos

Gen 18:27

¶

Gen 18:27respondens Abraham ait quia semel coepi loquar ad Dominum meum cum sim pulvis et cinis

Gen 18:28

Gen 18:28quid si minus quinquaginta iustis quinque fuerint delebis propter quinque universam urbem et ait non delebo si invenero ibi quadraginta quinque

Gen 18:29

¶

Gen 18:29rursumque locutus est ad eum sin autem quadraginta inventi fuerint quid facies ait non percutiam propter quadraginta

Gen 18:30

¶

Gen 18:30ne quaeso inquit indigneris Domine si loquar quid si inventi fuerint ibi triginta respondit non faciam si invenero ibi triginta

Gen 18:31

¶

Gen 18:31quia semel ait coepi loquar ad Dominum meum quid si inventi fuerint ibi viginti dixit non interficiam propter viginti

Gen 18:32

¶

Gen 18:32obsecro inquit ne irascaris Domine si loquar adhuc semel quid si inventi fuerint ibi decem dixit non delebo propter decem

Gen 18:33

Gen 18:33abiit Dominus postquam cessavit loqui ad Abraham et ille reversus est in locum suum

Genesis (Genesis) 18 :: Latin Vulgate (VUL)