Genesis (Genesis) 16 :: Latin Vulgate (VUL)

Gen 16:1igitur Sarai uxor Abram non genuerat liberos sed habens ancillam aegyptiam nomine Agar

Gen 16:2dixit marito suo ecce conclusit me Dominus ne parerem ingredere ad ancillam meam si forte saltem ex illa suscipiam filios cumque ille adquiesceret deprecanti

Gen 16:3

Gen 16:3tulit Agar Aegyptiam ancillam suam post annos decem quam habitare coeperant in terra Chanaan et dedit eam viro suo uxorem

Gen 16:4

Gen 16:4qui ingressus est ad eam at illa concepisse se videns despexit dominam suam

Gen 16:5

Gen 16:5dixitque Sarai ad Abram inique agis contra me ego dedi ancillam meam in sinum tuum quae videns quod conceperit despectui me habet iudicet Dominus inter me et te

Gen 16:6

Gen 16:6cui respondens Abram ecce ait ancilla tua in manu tua est utere ea ut libet adfligente igitur eam Sarai fugam iniit

Gen 16:7

Gen 16:7cumque invenisset illam angelus Domini iuxta fontem aquae in solitudine qui est in via Sur

Gen 16:8

Gen 16:8dixit ad eam Agar ancilla Sarai unde venis et quo vadis quae respondit a facie Sarai dominae meae ego fugio

Gen 16:9

Gen 16:9dixitque ei angelus Domini revertere ad dominam tuam et humiliare sub manibus ipsius

Gen 16:10

Gen 16:10et rursum multiplicans inquit multiplicabo semen tuum et non numerabitur prae multitudine

Gen 16:11

Gen 16:11ac deinceps ecce ait concepisti et paries filium vocabisque nomen eius Ismahel eo quod audierit Dominus adflictionem tuam

Gen 16:12

Gen 16:12hic erit ferus homo manus eius contra omnes et manus omnium contra eum et e regione universorum fratrum suorum figet tabernacula

Gen 16:13

Gen 16:13vocavit autem nomen Domini qui loquebatur ad eam Tu Deus qui vidisti me dixit enim profecto hic vidi posteriora videntis me

Gen 16:14

Gen 16:14propterea appellavit puteum illum puteum Viventis et videntis me ipse est inter Cades et Barad

Gen 16:15

Gen 16:15peperitque Abrae filium qui vocavit nomen eius Ismahel

Gen 16:16

Gen 16:16octoginta et sex annorum erat quando peperit ei Agar Ismahelem

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.