Galatas (Galatians) 6 :: Latin Vulgate (VUL)

Gal 6:1

Gal 6:1fratres et si praeoccupatus fuerit homo in aliquo delicto vos qui spiritales estis huiusmodi instruite in spiritu lenitatis considerans te ipsum ne et tu tempteris

Gal 6:2

Gal 6:2alter alterius onera portate et sic adimplebitis legem Christi

Gal 6:3

Gal 6:3nam si quis existimat se aliquid esse cum sit nihil ipse se seducit

Gal 6:4

Gal 6:4opus autem suum probet unusquisque et sic in semet ipso tantum gloriam habebit et non in altero

Gal 6:5

Gal 6:5unusquisque enim onus suum portabit

Gal 6:6

Gal 6:6communicet autem is qui catecizatur verbum ei qui se catecizat in omnibus bonis

Gal 6:7

Gal 6:7nolite errare Deus non inridetur

Gal 6:8

Gal 6:8quae enim seminaverit homo haec et metet quoniam qui seminat in carne sua de carne et metet corruptionem qui autem seminat in spiritu de spiritu metet vitam aeternam

Gal 6:9

Gal 6:9bonum autem facientes non deficiamus tempore enim suo metemus non deficientes

Gal 6:10

Gal 6:10ergo dum tempus habemus operemur bonum ad omnes maxime autem ad domesticos fidei

Gal 6:11

Gal 6:11videte qualibus litteris scripsi vobis mea manu

Gal 6:12

Gal 6:12quicumque volunt placere in carne hii cogunt vos circumcidi tantum ut crucis Christi persecutionem non patiantur

Gal 6:13

Gal 6:13neque enim qui circumciduntur legem custodiunt sed volunt vos circumcidi ut in carne vestra glorientur

Gal 6:14

Gal 6:14mihi autem absit gloriari nisi in cruce Domini nostri Iesu Christi per quem mihi mundus crucifixus est et ego mundo

Gal 6:15

Gal 6:15in Christo enim Iesu neque circumcisio aliquid valet neque praeputium sed nova creatura

Gal 6:16

Gal 6:16et quicumque hanc regulam secuti fuerint pax super illos et misericordia et super Israhel Dei

Gal 6:17

Gal 6:17de cetero nemo mihi molestus sit ego enim stigmata Iesu in corpore meo porto

Gal 6:18

Gal 6:18gratia Domini nostri Iesu Christi cum spiritu vestro fratres amen

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.