Galatas (Galatians) 1 :: Latin Vulgate (VUL)

Gal 1:1

Gal 1:1Paulus apostolus non ab hominibus neque per hominem sed per Iesum Christum et Deum Patrem qui suscitavit eum a mortuis

Gal 1:2

Gal 1:2et qui mecum sunt omnes fratres ecclesiis Galatiae

Gal 1:3

Gal 1:3gratia vobis et pax a Deo Patre et Domino nostro Iesu Christo

Gal 1:4

Gal 1:4qui dedit semet ipsum pro peccatis nostris ut eriperet nos de praesenti saeculo nequam secundum voluntatem Dei et Patris nostri

Gal 1:5

Gal 1:5cui est gloria in saecula saeculorum amen

Gal 1:6

Gal 1:6miror quod sic tam cito transferimini ab eo qui vos vocavit in gratiam Christi in aliud evangelium

Gal 1:7

Gal 1:7quod non est aliud nisi sunt aliqui qui vos conturbant et volunt convertere evangelium Christi

Gal 1:8

Gal 1:8sed licet nos aut angelus de caelo evangelizet vobis praeterquam quod evangelizavimus vobis anathema sit

Gal 1:9

Gal 1:9sicut praediximus et nunc iterum dico si quis vobis evangelizaverit praeter id quod accepistis anathema sit

Gal 1:10

Gal 1:10modo enim hominibus suadeo aut Deo aut quaero hominibus placere si adhuc hominibus placerem Christi servus non essem

(cf. Act 9:1–25 )

Gal 1:11

Gal 1:11notum enim vobis facio fratres evangelium quod evangelizatum est a me quia non est secundum hominem

Gal 1:12

Gal 1:12neque enim ego ab homine accepi illud neque didici sed per revelationem Iesu Christi

Gal 1:13

Gal 1:13audistis enim conversationem meam aliquando in iudaismo quoniam supra modum persequebar ecclesiam Dei et expugnabam illam

Gal 1:14

Gal 1:14et proficiebam in iudaismo supra multos coetaneos in genere meo abundantius aemulator existens paternarum mearum traditionum

Gal 1:15

Gal 1:15cum autem placuit ei qui me segregavit de utero matris meae et vocavit per gratiam suam

Gal 1:16

Gal 1:16ut revelaret Filium suum in me ut evangelizarem illum in gentibus continuo non adquievi carni et sanguini

Gal 1:17

Gal 1:17neque veni Hierosolyma ad antecessores meos apostolos sed abii in Arabiam et iterum reversus sum Damascum

(cf. Act 9:26–31 )

Gal 1:18

Gal 1:18deinde post annos tres veni Hierosolyma videre Petrum et mansi apud eum diebus quindecim

Gal 1:19

Gal 1:19alium autem apostolorum vidi neminem nisi Iacobum fratrem Domini

Gal 1:20

Gal 1:20quae autem scribo vobis ecce coram Deo quia non mentior

Gal 1:21

Gal 1:21deinde veni in partes Syriae et Ciliciae

Gal 1:22

Gal 1:22eram autem ignotus facie ecclesiis Iudaeae quae erant in Christo

Gal 1:23

Gal 1:23tantum autem auditum habebant quoniam qui persequebatur nos aliquando nunc evangelizat fidem quam aliquando expugnabat

Gal 1:24

Gal 1:24et in me clarificabant Deum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.