Ezechielis (Ezekiel) 26 :: Latin Vulgate (VUL)

Eze 26:1et factum est in undecimo anno prima mensis factus est sermo Domini ad me dicens

Eze 26:2fili hominis pro eo quod dixit Tyrus de Hierusalem euge confractae sunt portae populorum conversa est ad me implebor deserta est

Eze 26:3

Eze 26:3propterea haec dicit Dominus Deus ecce ego super te Tyre et ascendere faciam ad te gentes multas sicut ascendit mare fluctuans

Eze 26:4

Eze 26:4et dissipabunt muros Tyri et destruent turres eius et radam pulverem eius de ea et dabo eam in limpidissimam petram

Eze 26:5

Eze 26:5siccatio sagenarum erit in medio maris quia ego locutus sum ait Dominus Deus et erit in direptionem gentibus

Eze 26:6

Eze 26:6filiae quoque eius quae sunt in agro gladio interficientur et scient quia ego Dominus

Eze 26:7

Eze 26:7quia haec dicit Dominus Deus ecce ego adducam ad Tyrum Nabuchodonosor regem Babylonis ab aquilone regem regum cum equis et curribus et equitibus et coetu populoque magno

Eze 26:8

Eze 26:8filias tuas quae sunt in agro gladio interficiet et circumdabit te munitionibus et conportabit aggerem in gyro et levabit contra te clypeum

Eze 26:9

Eze 26:9et vineas et arietes temperabit in muros tuos et turres tuas destruet in armatura sua

Eze 26:10

Eze 26:10inundatione equorum eius operiet te pulvis eorum a sonitu equitum et rotarum et curruum movebuntur muri tui dum ingressus fuerit portas tuas quasi per introitus urbis dissipatae

Eze 26:11

Eze 26:11ungulis equorum suorum conculcabit omnes plateas tuas populum tuum gladio caedet et statuae tuae nobiles in terram corruent

Eze 26:12

Eze 26:12vastabunt opes tuas diripient negotiationes tuas et destruent muros tuos et domos tuas praeclaras subvertent et lapides tuos et ligna tua et pulverem tuum in medio aquarum ponent

Eze 26:13

Eze 26:13et quiescere faciam multitudinem canticorum tuorum et sonitus cithararum tuarum non audietur amplius

Eze 26:14

Eze 26:14et dabo te in limpidissimam petram siccatio sagenarum eris nec aedificaberis ultra quia ego locutus sum dicit Dominus Deus

Eze 26:15

Eze 26:15haec dicit Dominus Deus Tyro numquid non a sonitu ruinae tuae et gemitu interfectorum tuorum cum occisi fuerint in medio tui commovebuntur insulae

Eze 26:16

Eze 26:16et descendent de sedibus suis omnes principes maris et auferent exuvias suas et vestimenta sua varia abicient et induentur stupore in terra sedebunt et adtoniti super repentino casu tuo admirabuntur

Eze 26:17

Eze 26:17et adsumentes super te lamentum dicent tibi quomodo peristi quae habitas in mari urbs inclita quae fuisti fortis in mari cum habitatoribus tuis quos formidabant universi

Eze 26:18

Eze 26:18nunc stupebunt naves in die pavoris tui et turbabuntur insulae in mari eo quod nullus egrediatur ex te

Eze 26:19

Eze 26:19quia haec dicit Dominus Deus cum dedero te urbem desolatam sicut civitates quae non habitantur et adduxero super te abyssum et operuerint te aquae multae

Eze 26:20

Eze 26:20et detraxero te cum his qui descendunt in lacum ad populum sempiternum et conlocavero te in terra novissima sicut solitudines veteres cum his qui deducuntur in lacum ut non habiteris porro dedero gloriam in terra viventium

Eze 26:21

Eze 26:21in nihilum redigam te et non eris et requisita non invenieris ultra in sempiternum dicit Dominus Deus

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.