Ezechielis (Ezekiel) 19 :: Latin Vulgate (VUL)

Eze 19:1et tu adsume planctum super principes Israhel

Eze 19:2et dices quare mater tua leaena inter leones cubavit in medio leunculorum enutrivit catulos suos

Eze 19:3et eduxit unum de leunculis suis leo factus est et didicit capere praedam hominemque comedere

Eze 19:4et audierunt de eo gentes et non absque vulneribus suis ceperunt eum et adduxerunt eum in catenis in terram Aegypti

Eze 19:5

Eze 19:5quae cum vidisset quoniam infirmata est et periit expectatio eius tulit unum de leunculis suis leonem constituit eum

Eze 19:6

Eze 19:6qui incedebat inter leones et factus est leo didicit praedam capere et homines devorare

Eze 19:7

Eze 19:7didicit viduas facere et civitates eorum in desertum adducere et desolata est terra et plenitudo eius a voce rugitus illius

Eze 19:8

Eze 19:8et convenerunt adversum eum gentes undique de provinciis et expanderunt super eum rete suum in vulneribus earum captus est

Eze 19:9

Eze 19:9et miserunt eum in caveam in catenis adduxerunt eum ad regem Babylonis miseruntque eum in carcerem ne audiretur vox eius ultra super montes Israhel

Eze 19:10

Eze 19:10mater tua quasi vinea in sanguine tuo super aquam plantata fructus eius et frondes eius creverunt ex aquis multis

Eze 19:11

Eze 19:11et factae sunt ei virgae solidae in sceptra dominantium et exaltata est statura eius inter frondes et vidit altitudinem suam in multitudine palmitum suorum

Eze 19:12

Eze 19:12et evulsa est in ira in terramque proiecta et ventus urens siccavit fructum eius marcuerunt et arefactae sunt virgae roboris eius ignis comedit eam

Eze 19:13

Eze 19:13et nunc transplantata est in desertum in terra invia et sitienti

Eze 19:14

Eze 19:14et egressus est ignis de virga ramorum eius qui fructum eius comedit et non fuit in ea virga fortis sceptrum dominantium planctus est et erit in planctum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.