Exodus (Exodus) 4 :: Latin Vulgate (VUL)

Exo 4:1

Exo 4:1respondens Moses ait non credent mihi neque audient vocem meam sed dicent non apparuit tibi Dominus

Exo 4:2

Exo 4:2dixit ergo ad eum quid est hoc quod tenes in manu tua respondit virga

Exo 4:3

Exo 4:3ait proice eam in terram proiecit et versa est in colubrum ita ut fugeret Moses

Exo 4:4

Exo 4:4dixitque Dominus extende manum tuam et adprehende caudam eius extendit et tenuit versaque est in virgam

Exo 4:5

Exo 4:5ut credant inquit quod apparuerit tibi Dominus Deus patrum tuorum Deus Abraham Deus Isaac Deus Iacob

Exo 4:6

Exo 4:6dixitque Dominus rursum mitte manum in sinum tuum quam cum misisset in sinum protulit leprosam instar nivis

Exo 4:7

Exo 4:7retrahe ait manum in sinum tuum retraxit et protulit iterum et erat similis carni reliquae

Exo 4:8

Exo 4:8si non crediderint inquit tibi neque audierint sermonem signi prioris credent verbo signi sequentis

Exo 4:9

Exo 4:9quod si nec duobus quidem his signis crediderint neque audierint vocem tuam sume aquam fluminis et effunde eam super aridam et quicquid hauseris de fluvio vertetur in sanguinem

Exo 4:10

Exo 4:10ait Moses obsecro Domine non sum eloquens ab heri et nudius tertius et ex quo locutus es ad servum tuum inpeditioris et tardioris linguae sum

Exo 4:11

Exo 4:11dixit Dominus ad eum quis fecit os hominis aut quis fabricatus est mutum et surdum videntem et caecum nonne ego

Exo 4:12

Exo 4:12perge igitur et ego ero in ore tuo doceboque te quid loquaris

Exo 4:13

Exo 4:13at ille obsecro inquit Domine mitte quem missurus es

Exo 4:14

Exo 4:14iratus Dominus in Mosen ait Aaron frater tuus Levites scio quod eloquens sit ecce ipse egreditur in occursum tuum vidensque te laetabitur corde

Exo 4:15

Exo 4:15loquere ad eum et pone verba mea in ore eius ego ero in ore tuo et in ore illius et ostendam vobis quid agere debeatis

Exo 4:16

Exo 4:16ipse loquetur pro te ad populum et erit os tuum tu autem eris ei in his quae ad Deum pertinent

Exo 4:17

Exo 4:17virgam quoque hanc sume in manu tua in qua facturus es signa

Exo 4:18

Exo 4:18abiit Moses et reversus est ad Iethro cognatum suum dixitque ei vadam et revertar ad fratres meos in Aegyptum ut videam si adhuc vivunt cui ait Iethro vade in pace

Exo 4:19

Exo 4:19dixit ergo Dominus ad Mosen in Madian vade revertere in Aegyptum mortui sunt omnes qui quaerebant animam tuam

Exo 4:20

Exo 4:20tulit Moses uxorem et filios suos et inposuit eos super asinum reversusque est in Aegyptum portans virgam Dei in manu sua

Exo 4:21

Exo 4:21dixitque ei Dominus revertenti in Aegyptum vide ut omnia ostenta quae posui in manu tua facias coram Pharaone ego indurabo cor eius et non dimittet populum

Exo 4:22

Exo 4:22dicesque ad eum haec dicit Dominus filius meus primogenitus meus Israhel

Exo 4:23

Exo 4:23dixi tibi dimitte filium meum ut serviat mihi et noluisti dimittere eum ecce ego interficiam filium tuum primogenitum

Exo 4:24

Exo 4:24cumque esset in itinere in diversorio occurrit ei Dominus et volebat occidere eum

Exo 4:25

Exo 4:25tulit ilico Seffora acutissimam petram et circumcidit praeputium filii sui tetigitque pedes eius et ait sponsus sanguinum tu mihi es

Exo 4:26

Exo 4:26et dimisit eum postquam dixerat sponsus sanguinum ob circumcisionem

Exo 4:27

Exo 4:27dixit autem Dominus ad Aaron vade in occursum Mosi in deserto qui perrexit ei obviam in montem Dei et osculatus est eum

Exo 4:28

Exo 4:28narravitque Moses Aaron omnia verba Domini quibus miserat eum et signa quae mandaverat

Exo 4:29

Exo 4:29veneruntque simul et congregaverunt cunctos seniores filiorum Israhel

Exo 4:30

Exo 4:30locutusque est Aaron omnia verba quae dixerat Dominus ad Mosen et fecit signa coram populo

Exo 4:31

Exo 4:31et credidit populus audieruntque quod visitasset Dominus filios Israhel et quod respexisset adflictionem eorum et proni adoraverunt

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Exodus Chapter 4 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Westminster Leningrad Codex Septuagint Smith Van Dyck Arabic Bible Open New Arabic Version Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras

Exodus (Exodus) 4 :: Latin Vulgate (VUL)

Exodus Chapter 4 — Additional Translations:

Did You Know BLB Is User Supported?