Exodus (Exodus) 38 :: Latin Vulgate (VUL)

(Exo 27:1–8 )

Exo 38:1

Exo 38:1fecit et altare holocausti de lignis setthim quinque cubitorum per quadrum et trium in altitudine

Exo 38:2

Exo 38:2cuius cornua de angulis procedebant operuitque illud aeneis lamminis

Exo 38:3

Exo 38:3et in usus eius paravit ex aere vasa diversa lebetas forcipes fuscinulas uncinos et ignium receptacula

Exo 38:4

Exo 38:4craticulamque eius in modum retis fecit aeneam et subter eam in altaris medio arulam

Exo 38:5

Exo 38:5fusis quattuor anulis per totidem retiaculi summitates ad inmittendos vectes ad portandum

Exo 38:6

Exo 38:6quos et ipsos fecit de lignis setthim et operuit lamminis aeneis

Exo 38:7

Exo 38:7induxitque in circulos qui in altaris lateribus eminebant ipsum autem altare non erat solidum sed cavum ex tabulis et intus vacuum

Exo 38:8

Exo 38:8fecit et labrum aeneum cum base sua de speculis mulierum quae excubabant in ostio tabernaculi

(Exo 27:9–19 )

Exo 38:9

Exo 38:9et atrium in cuius australi plaga erant tentoria de bysso retorta cubitorum centum

Exo 38:10

Exo 38:10columnae aeneae viginti cum basibus suis capita columnarum et tota operis celatura argentea

Exo 38:11

Exo 38:11aeque ad septentrionalis plagam tentoria columnae basesque et capita columnarum eiusdem et mensurae et operis ac metalli erant

Exo 38:12

Exo 38:12in ea vero plaga quae occidentem respicit fuere tentoria cubitorum quinquaginta columnae decem cum basibus suis aeneae et capita columnarum celata argentea

Exo 38:13

Exo 38:13porro contra orientem quinquaginta cubitorum paravit tentoria

Exo 38:14

Exo 38:14e quibus quindecim cubitos columnarum trium cum basibus suis unum tenebat latus

Exo 38:15

Exo 38:15et in parte altera quia utraque introitum tabernaculi facit quindecim aeque cubitorum erant tentoria columnae tres et bases totidem

Exo 38:16

Exo 38:16cuncta atrii tentoria byssus torta texuerat

Exo 38:17

Exo 38:17bases columnarum fuere aeneae capita autem earum cum celaturis suis argentea sed et ipsas columnas atrii vestivit argento

Exo 38:18

Exo 38:18et in introitu eius opere plumario fecit tentorium ex hyacintho purpura vermiculo ac bysso retorta quod habebat viginti cubitos in longitudine altitudo vero quinque cubitorum erat iuxta mensuram quam cuncta atrii habebant tentoria

Exo 38:19

Exo 38:19columnae autem ingressus fuere quattuor cum basibus aeneis capitaque earum et celaturae argenteae

Exo 38:20

Exo 38:20paxillos quoque tabernaculi et atrii per gyrum fecit aeneos

Exo 38:21

Exo 38:21haec sunt instrumenta tabernaculi testimonii quae numerata sunt iuxta praeceptum Mosi in caerimonias Levitarum per manum Ithamar filii Aaron sacerdotis

Exo 38:22

Exo 38:22quas Beselehel filius Uri filii Hur de tribu Iuda Domino per Mosen iubente conpleverat

Exo 38:23

Exo 38:23iuncto sibi socio Hooliab filio Achisamech de tribu Dan qui et ipse artifex lignorum egregius fuit et polymitarius atque plumarius ex hyacintho purpura vermiculo et bysso

Exo 38:24

Exo 38:24omne aurum quod expensum est in opere sanctuarii et quod oblatum in donariis viginti novem talentorum fuit et septingentorum triginta siclorum ad mensuram sanctuarii

Exo 38:25

Exo 38:25oblatum est autem ab his qui transierant ad numerum a viginti annis et supra de sescentis tribus milibus et quingentis quinquaginta armatorum

Exo 38:26

Exo 38:26fuerunt praeterea centum talenta argenti e quibus conflatae sunt bases sanctuarii et introitus ubi velum pendet

Exo 38:27

Exo 38:27centum bases factae sunt de talentis centum singulis talentis per bases singulas supputatis

Exo 38:28

Exo 38:28de mille autem septingentis et septuaginta quinque fecit capita columnarum quas et ipsas vestivit argento

Exo 38:29

Exo 38:29aeris quoque oblata sunt talenta septuaginta duo milia et quadringenti supra sicli

Exo 38:30

Exo 38:30ex quibus fusae sunt bases in introitu tabernaculi testimonii et altare aeneum cum craticula sua omniaque vasa quae ad usum eius pertinent

Exo 38:31

Exo 38:31et bases atrii tam in circuitu quam in ingressu eius et paxilli tabernaculi atque atrii per gyrum

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.