Previous Chapter Full Page Full Page Next Chapter

Exodus (Exodus) 36 :: Latin Vulgate (VUL)

Exo 36:1

Exo 36:1fecit ergo Beselehel et Hooliab et omnis vir sapiens quibus dedit Dominus sapientiam et intellectum ut scirent fabre operari quae in usus sanctuarii necessaria sunt et quae praecepit Dominus

Exo 36:2

Exo 36:2cumque vocasset eos Moses et omnem eruditum virum cui dederat Deus sapientiam et qui sponte sua obtulerant se ad faciendum opus

Exo 36:3

Exo 36:3tradidit eis universa donaria filiorum Israhel qui cum instarent operi cotidie mane vota populus offerebat

Exo 36:4

Exo 36:4unde artifices venire conpulsi

Exo 36:5

Exo 36:5dixerunt Mosi plus offert populus quam necessarium est

Exo 36:6

Exo 36:6iussit ergo Moses praeconis voce cantari nec vir nec mulier quicquam ultra offerat in opere sanctuarii sicque cessatum est a muneribus offerendis

Exo 36:7

Exo 36:7eo quod oblata sufficerent et superabundarent

Exo 36:8

Exo 36:8feceruntque omnes corde sapientes ad explendum opus tabernaculi cortinas decem de bysso retorta et hyacintho et purpura coccoque bis tincto opere vario et arte polymita

Exo 36:9

Exo 36:9quarum una habebat in longitudine viginti octo cubitos et in latitudine quattuor una mensura erat omnium cortinarum

Exo 36:10

Exo 36:10coniunxitque cortinas quinque alteram alteri et alias quinque sibi invicem copulavit

Exo 36:11

Exo 36:11fecit et ansas hyacinthinas in ora cortinae unius ex utroque latere et in ora cortinae alterius similiter

Exo 36:12

Exo 36:12ut contra se invicem venirent ansae et mutuo iungerentur

Exo 36:13

Exo 36:13unde et quinquaginta fudit circulos aureos qui morderent cortinarum ansas et fieret unum tabernaculum

Exo 36:14

Exo 36:14fecit et saga undecim de pilis caprarum ad operiendum tectum tabernaculi

Exo 36:15

Exo 36:15unum sagum habebat in longitudine cubitos triginta et in latitudine cubitos quattuor unius mensurae erant omnia saga

Exo 36:16

Exo 36:16quorum quinque iunxit seorsum et sex alia separatim

Exo 36:17

Exo 36:17fecitque ansas quinquaginta in ora sagi unius et quinquaginta in ora sagi alterius ut sibi invicem iungerentur

Exo 36:18

Exo 36:18et fibulas aeneas quinquaginta quibus necteretur tectum et unum pallium ex omnibus sagis fieret

Exo 36:19

Exo 36:19fecit et opertorium tabernaculi de pellibus arietum rubricatis aliudque desuper velamentum de pellibus ianthinis

Exo 36:20

Exo 36:20fecit et tabulas tabernaculi de lignis setthim stantes

Exo 36:21

Exo 36:21decem cubitorum erat longitudo tabulae unius et unum ac semis cubitum latitudo retinebat

Exo 36:22

Exo 36:22binae incastraturae erant per singulas tabulas ut altera alteri iungeretur sic fecit in omnibus tabulis tabernaculi

Exo 36:23

Exo 36:23e quibus viginti ad plagam meridianam erant contra austrum

Exo 36:24

Exo 36:24cum quadraginta basibus argenteis duae bases sub una tabula ponebantur ex utraque angulorum parte ubi incastraturae laterum in angulis terminantur

Exo 36:25

Exo 36:25ad plagam quoque tabernaculi quae respicit ad aquilonem fecit viginti tabulas

Exo 36:26

Exo 36:26cum quadraginta argenteis basibus duas bases per singulas tabulas

Exo 36:27

Exo 36:27contra occidentem vero id est ad eam partem tabernaculi quae mare respicit fecit sex tabulas

Exo 36:28

Exo 36:28et duas alias per singulos angulos tabernaculi retro

Exo 36:29

Exo 36:29quae iunctae erant deorsum usque sursum et in unam conpagem pariter ferebantur ita fecit ex utraque parte per angulos

Exo 36:30

Exo 36:30ut octo essent simul tabulae et haberent bases argenteas sedecim binas scilicet bases sub singulis tabulis

Exo 36:31

Exo 36:31fecit et vectes de lignis setthim quinque ad continendas tabulas unius lateris tabernaculi

Exo 36:32

Exo 36:32et quinque alios ad alterius lateris tabulas coaptandas et extra hos quinque alios vectes ad occidentalem plagam tabernaculi contra mare

Exo 36:33

Exo 36:33fecit quoque vectem alium qui per medias tabulas ab angulo usque ad angulum perveniret

Exo 36:34

Exo 36:34ipsa autem tabulata deauravit et circulos eorum fecit aureos per quos vectes induci possint quos et ipsos aureis lamminis operuit

Exo 36:35

Exo 36:35fecit et velum de hyacintho purpura vermiculo ac bysso retorta opere polymitario varium atque distinctum

Exo 36:36

Exo 36:36et quattuor columnas de lignis setthim quas cum capitibus deauravit fusis basibus earum argenteis

Exo 36:37

Exo 36:37fecit et tentorium in introitu tabernaculi ex hyacintho purpura vermiculo byssoque retorta opere plumarii

Exo 36:38

Exo 36:38et columnas quinque cum capitibus suis quas operuit auro basesque earum fudit aeneas
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Exodus Chapter 36 — Additional Translations:

King James Version New King James Version New Living Translation New International Version English Standard Version Christian Standard Bible New American Standard Bible 2020 New American Standard Bible 1995 Legacy Standard Bible Amplified Bible New English Translation Revised Standard Version American Standard Version Young's Literal Translation Darby Translation Webster's Bible Hebrew Names Version Westminster Leningrad Codex Septuagint Smith Van Dyck Arabic Bible Open New Arabic Version Brenton's English Septuagint Reina Valera 1909 Reina-Valera 1960 Bible in Basic English Chinese Traditional Union Espanol Moderno Korean Holy Bible Louis Segond German Luther Russian Synodal Translation Sagradas Escrituras