Exodus (Exodus) 27 :: Latin Vulgate (VUL)

(Exo 38:1–7 )

Exo 27:1facies et altare de lignis setthim quod habebit quinque cubitos in longitudine et totidem in latitudine id est quadrum et tres cubitos in altitudine

Exo 27:2

Exo 27:2cornua autem per quattuor angulos ex ipso erunt et operies illud aere

Exo 27:3

Exo 27:3faciesque in usus eius lebetas ad suscipiendos cineres et forcipes atque fuscinulas et ignium receptacula omnia vasa ex aere fabricabis

Exo 27:4

Exo 27:4craticulamque in modum retis aeneam per cuius quattuor angulos erunt quattuor anuli aenei

Exo 27:5

Exo 27:5quos pones subter arulam altaris eritque craticula usque ad altaris medium

Exo 27:6

Exo 27:6facies et vectes altaris de lignis setthim duos quos operies lamminis aeneis

Exo 27:7

Exo 27:7et induces per circulos eruntque ex utroque latere altaris ad portandum

Exo 27:8

Exo 27:8non solidum sed inane et cavum intrinsecus facies illud sicut tibi in monte monstratum est

(Exo 38:9–20 )

Exo 27:9

Exo 27:9facies et atrium tabernaculi in cuius plaga australi contra meridiem erunt tentoria de bysso retorta centum cubitos unum latus tenebit in longitudine

Exo 27:10

Exo 27:10et columnas viginti cum basibus totidem aeneis quae capita cum celaturis suis habebunt argentea

Exo 27:11

Exo 27:11similiter in latere aquilonis per longum erunt tentoria centum cubitorum columnae viginti et bases aeneae eiusdem numeri et capita earum cum celaturis suis argentea

Exo 27:12

Exo 27:12in latitudine vero atrii quod respicit ad occidentem erunt tentoria per quinquaginta cubitos et columnae decem basesque totidem

Exo 27:13

Exo 27:13in ea quoque atrii latitudine quae respicit ad orientem quinquaginta cubiti erunt

Exo 27:14

Exo 27:14in quibus quindecim cubitorum tentoria lateri uno deputabuntur columnaeque tres et bases totidem

Exo 27:15

Exo 27:15et in latere altero erunt tentoria cubitos obtinentia quindecim columnas tres et bases totidem

Exo 27:16

Exo 27:16in introitu vero atrii fiet tentorium cubitorum viginti ex hyacintho et purpura coccoque bis tincto et bysso retorta opere plumarii columnas habebit quattuor cum basibus totidem

Exo 27:17

Exo 27:17omnes columnae atrii per circuitum vestitae erunt argenti lamminis capitibus argenteis et basibus aeneis

Exo 27:18

Exo 27:18in longitudine occupabit atrium cubitos centum in latitudine quinquaginta altitudo quinque cubitorum erit fietque de bysso retorta et habebit bases aeneas

Exo 27:19

Exo 27:19cuncta vasa tabernaculi in omnes usus et caerimonias tam paxillos eius quam atrii ex aere facies

(Lev 24:1–4 )

Exo 27:20

Exo 27:20praecipe filiis Israhel ut adferant tibi oleum de arboribus olivarum purissimum piloque contusum ut ardeat lucerna semper

Exo 27:21

Exo 27:21in tabernaculo testimonii extra velum quod oppansum est testimonio et conlocabunt eam Aaron et filii eius ut usque mane luceat coram Domino perpetuus erit cultus per successiones eorum a filiis Israhel

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.