Previous Chapter Full Page Full Page Next Chapter

Exodus (Exodus) 26 :: Latin Vulgate (VUL)

Exo 26:1

Exo 26:1tabernaculum vero ita fiet decem cortinas de bysso retorta et hyacintho ac purpura coccoque bis tincto variatas opere plumario facies

Exo 26:2

Exo 26:2longitudo cortinae unius habebit viginti octo cubitos latitudo quattuor cubitorum erit unius mensurae fient universa tentoria

Exo 26:3

Exo 26:3quinque cortinae sibi iungentur mutuo et aliae quinque nexu simili coherebunt

Exo 26:4

Exo 26:4ansulas hyacinthinas in lateribus ac summitatibus facies cortinarum ut possint invicem copulari

Exo 26:5

Exo 26:5quinquagenas ansulas cortina habebit in utraque parte ita insertas ut ansa contra ansam veniat et altera alteri possit aptari

Exo 26:6

Exo 26:6facies et quinquaginta circulos aureos quibus cortinarum vela iungenda sunt ut unum tabernaculum fiat

Exo 26:7

Exo 26:7facies et saga cilicina undecim ad operiendum tectum tabernaculi

Exo 26:8

Exo 26:8longitudo sagi unius habebit triginta cubitos et latitudo quattuor aequa erit mensura sagorum omnium

Exo 26:9

Exo 26:9e quibus quinque iunges seorsum et sex sibi mutuo copulabis ita ut sextum sagum in fronte tecti duplices

Exo 26:10

Exo 26:10facies et quinquaginta ansas in ora sagi unius ut coniungi cum altero queat et quinquaginta ansas in ora sagi alterius ut cum altero copuletur

Exo 26:11

Exo 26:11quinquaginta fibulas aeneas quibus iungantur ansae et unum ex omnibus operimentum fiat

Exo 26:12

Exo 26:12quod autem superfuerit in sagis quae parantur tecto id est unum sagum quod amplius est ex medietate eius operies posteriora tabernaculi

Exo 26:13

Exo 26:13et cubitus ex una parte pendebit et alter ex altera qui plus est in sagorum longitudine utrumque latus tabernaculi protegens

Exo 26:14

Exo 26:14facies et operimentum aliud tecto de pellibus arietum rubricatis et super hoc rursum aliud operimentum de ianthinis pellibus

Exo 26:15

Exo 26:15facies et tabulas stantes tabernaculi de lignis setthim

Exo 26:16

Exo 26:16quae singulae denos cubitos in longitudine habeant et in latitudine singulos ac semissem

Exo 26:17

Exo 26:17in lateribus tabulae duae incastraturae fient quibus tabula alteri tabulae conectatur atque in hunc modum cunctae tabulae parabuntur

Exo 26:18

Exo 26:18quarum viginti erunt in latere meridiano quod vergit ad austrum

Exo 26:19

Exo 26:19quibus quadraginta bases argenteas fundes ut binae bases singulis tabulis per duos angulos subiciantur

Exo 26:20

Exo 26:20in latere quoque secundo tabernaculi quod vergit ad aquilonem viginti tabulae erunt

Exo 26:21

Exo 26:21quadraginta habentes bases argenteas binae bases singulis tabulis subponentur

Exo 26:22

Exo 26:22ad occidentalem vero plagam tabernaculi facies sex tabulas

Exo 26:23

Exo 26:23et rursum alias duas quae in angulis erigantur post tergum tabernaculi

Exo 26:24

Exo 26:24eruntque coniunctae a deorsum usque sursum et una omnes conpago retinebit duabus quoque tabulis quae in angulis ponendae sunt similis iunctura servabitur

Exo 26:25

Exo 26:25et erunt simul tabulae octo bases earum argenteae sedecim duabus basibus per unam tabulam supputatis

Exo 26:26

Exo 26:26facies et vectes de lignis setthim quinque ad continendas tabulas in uno latere tabernaculi

Exo 26:27

Exo 26:27et quinque alios in altero et eiusdem numeri ad occidentalem plagam

Exo 26:28

Exo 26:28qui mittentur per medias tabulas a summo usque ad summum

Exo 26:29

Exo 26:29ipsasque tabulas deaurabis et fundes eis anulos aureos per quos vectes tabulata contineant quos operies lamminis aureis

Exo 26:30

Exo 26:30et eriges tabernaculum iuxta exemplum quod tibi in monte monstratum est

Exo 26:31

Exo 26:31facies et velum de hyacintho et purpura coccoque bis tincto et bysso retorta opere plumario et pulchra varietate contextum

Exo 26:32

Exo 26:32quod adpendes ante quattuor columnas de lignis setthim quae ipsae quidem deauratae erunt et habebunt capita aurea sed bases argenteas

Exo 26:33

Exo 26:33inseretur autem velum per circulos intra quod pones arcam testimonii et quo sanctuarium et sanctuarii sanctuaria dividentur

Exo 26:34

Exo 26:34pones et propitiatorium super arcam testimonii in sancta sanctorum

Exo 26:35

Exo 26:35mensamque extra velum et contra mensam candelabrum in latere tabernaculi meridiano mensa enim stabit in parte aquilonis

Exo 26:36

Exo 26:36facies et tentorium in introitu tabernaculi de hyacintho et purpura coccoque bis tincto et bysso retorta opere plumarii

Exo 26:37

Exo 26:37et quinque columnas deaurabis lignorum setthim ante quas ducetur tentorium quarum erunt capita aurea et bases aeneae
Translation Copyright Logo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

Translations available: King James Version, New King James Version, New Living Translation, New International Version, English Standard Version, Christian Standard Bible, New American Standard Bible 2020, New American Standard Bible 1995, Legacy Standard Bible 2021, New English Translation, Revised Standard Version, American Standard Version, Young's Literal Translation, Darby Translation, Webster's Bible, Hebrew Names Version, Reina-Valera 1960, Latin Vulgate, Westminster Leningrad Codex, Septuagint, Morphological Greek New Testament, and Textus Receptus.