Exodus (Exodus) 20 :: Latin Vulgate (VUL)

(Deu 5:1–22 )

Exo 20:1locutus quoque est Dominus cunctos sermones hos

Exo 20:2ego sum Dominus Deus tuus qui eduxi te de terra Aegypti de domo servitutis

Exo 20:3non habebis deos alienos coram me

Exo 20:4non facies tibi sculptile neque omnem similitudinem quae est in caelo desuper et quae in terra deorsum nec eorum quae sunt in aquis sub terra

Exo 20:5

Exo 20:5non adorabis ea neque coles ego sum Dominus Deus tuus fortis zelotes visitans iniquitatem patrum in filiis in tertiam et quartam generationem eorum qui oderunt me

Exo 20:6

Exo 20:6et faciens misericordiam in milia his qui diligunt me et custodiunt praecepta mea

Exo 20:7

Exo 20:7non adsumes nomen Domini Dei tui in vanum nec enim habebit insontem Dominus eum qui adsumpserit nomen Domini Dei sui frustra

Exo 20:8

Exo 20:8memento ut diem sabbati sanctifices

Exo 20:9

Exo 20:9sex diebus operaberis et facies omnia opera tua

Exo 20:10

Exo 20:10septimo autem die sabbati Domini Dei tui non facies omne opus tu et filius tuus et filia tua servus tuus et ancilla tua iumentum tuum et advena qui est intra portas tuas

Exo 20:11

Exo 20:11sex enim diebus fecit Dominus caelum et terram et mare et omnia quae in eis sunt et requievit in die septimo idcirco benedixit Dominus diei sabbati et sanctificavit eum

Exo 20:12

Exo 20:12honora patrem tuum et matrem tuam ut sis longevus super terram quam Dominus Deus tuus dabit tibi

Exo 20:13

Exo 20:13non occides

Exo 20:14

Exo 20:14non moechaberis

Exo 20:15

Exo 20:15non furtum facies

Exo 20:16

Exo 20:16non loqueris contra proximum tuum falsum testimonium

Exo 20:17

Exo 20:17non concupisces domum proximi tui nec desiderabis uxorem eius non servum non ancillam non bovem non asinum nec omnia quae illius sunt

Exo 20:18

Exo 20:18cunctus autem populus videbat voces et lampadas et sonitum bucinae montemque fumantem et perterriti ac pavore concussi steterunt procul

Exo 20:19

Exo 20:19dicentes Mosi loquere tu nobis et audiemus non loquatur nobis Dominus ne forte moriamur

Exo 20:20

Exo 20:20et ait Moses ad populum nolite timere ut enim probaret vos venit Deus et ut terror illius esset in vobis et non peccaretis

Exo 20:21

Exo 20:21stetitque populus de longe Moses autem accessit ad caliginem in qua erat Deus

Exo 20:22

Exo 20:22dixit praeterea Dominus ad Mosen haec dices filiis Israhel vos vidistis quod de caelo locutus sum vobis

Exo 20:23

Exo 20:23non facietis mecum deos argenteos nec deos aureos facietis vobis

Exo 20:24

Exo 20:24altare de terra facietis mihi et offeretis super eo holocausta et pacifica vestra oves vestras et boves in omni loco in quo memoria fuerit nominis mei veniam ad te et benedicam tibi

Exo 20:25

Exo 20:25quod si altare lapideum feceris mihi non aedificabis illud de sectis lapidibus si enim levaveris cultrum tuum super eo polluetur

Exo 20:26

Exo 20:26non ascendes per gradus ad altare meum ne reveletur turpitudo tua

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.