Exodus (Exodus) 19 :: Latin Vulgate (VUL)

Exo 19:1mense tertio egressionis Israhel de terra Aegypti in die hac venerunt in solitudinem Sinai

Exo 19:2nam profecti de Raphidim et pervenientes usque in desertum Sinai castrametati sunt in eodem loco ibique Israhel fixit tentoria e regione montis

Exo 19:3

Exo 19:3Moses autem ascendit ad Deum vocavitque eum Dominus de monte et ait haec dices domui Iacob et adnuntiabis filiis Israhel

Exo 19:4

Exo 19:4vos ipsi vidistis quae fecerim Aegyptiis quomodo portaverim vos super alas aquilarum et adsumpserim mihi

Exo 19:5

Exo 19:5si ergo audieritis vocem meam et custodieritis pactum meum eritis mihi in peculium de cunctis populis mea est enim omnis terra

Exo 19:6

Exo 19:6et vos eritis mihi regnum sacerdotale et gens sancta haec sunt verba quae loqueris ad filios Israhel

Exo 19:7

Exo 19:7venit Moses et convocatis maioribus natu populi exposuit omnes sermones quos mandaverat Dominus

Exo 19:8

Exo 19:8responditque universus populus simul cuncta quae locutus est Dominus faciemus cumque rettulisset Moses verba populi ad Dominum

Exo 19:9

Exo 19:9ait ei Dominus iam nunc veniam ad te in caligine nubis ut audiat me populus loquentem ad te et credat tibi in perpetuum nuntiavit ergo Moses verba populi ad Dominum

Exo 19:10

Exo 19:10qui dixit ei vade ad populum et sanctifica illos hodie et cras laventque vestimenta sua

Exo 19:11

Exo 19:11et sint parati in diem tertium die enim tertio descendet Dominus coram omni plebe super montem Sinai

Exo 19:12

Exo 19:12constituesque terminos populo per circuitum et dices cavete ne ascendatis in montem nec tangatis fines illius omnis qui tetigerit montem morte morietur

Exo 19:13

Exo 19:13manus non tanget eum sed lapidibus opprimetur aut confodietur iaculis sive iumentum fuerit sive homo non vivet cum coeperit clangere bucina tunc ascendant in montem

Exo 19:14

Exo 19:14descenditque Moses de monte ad populum et sanctificavit eum cumque lavissent vestimenta sua

Exo 19:15

Exo 19:15ait ad eos estote parati in diem tertium ne adpropinquetis uxoribus vestris

Exo 19:16

Exo 19:16iam advenerat tertius dies et mane inclaruerat et ecce coeperunt audiri tonitrua ac micare fulgura et nubes densissima operire montem clangorque bucinae vehementius perstrepebat timuit populus qui erat in castris

Exo 19:17

Exo 19:17cumque eduxisset eos Moses in occursum Dei de loco castrorum steterunt ad radices montis

Exo 19:18

Exo 19:18totus autem mons Sinai fumabat eo quod descendisset Dominus super eum in igne et ascenderet fumus ex eo quasi de fornace eratque mons omnis terribilis

Exo 19:19

Exo 19:19et sonitus bucinae paulatim crescebat in maius et prolixius tendebatur Moses loquebatur et Dominus respondebat ei

Exo 19:20

Exo 19:20descenditque Dominus super montem Sinai in ipso montis vertice et vocavit Mosen in cacumen eius quo cum ascendisset

Exo 19:21

Exo 19:21dixit ad eum descende et contestare populum ne forte velint transcendere terminos ad videndum Dominum et pereat ex eis plurima multitudo

Exo 19:22

Exo 19:22sacerdotes quoque qui accedunt ad Dominum sanctificentur ne percutiat eos

Exo 19:23

Exo 19:23dixitque Moses ad Dominum non poterit vulgus ascendere in montem Sinai tu enim testificatus es et iussisti dicens pone terminos circa montem et sanctifica illum

Exo 19:24

Exo 19:24cui ait Dominus vade descende ascendesque tu et Aaron tecum sacerdotes autem et populus ne transeant terminos nec ascendant ad Dominum ne forte interficiat illos

Exo 19:25

Exo 19:25descendit Moses ad populum et omnia narravit eis

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.