Exodus (Exodus) 13 :: Latin Vulgate (VUL)

Exo 13:1locutusque est Dominus ad Mosen dicens

Exo 13:2sanctifica mihi omne primogenitum quod aperit vulvam in filiis Israhel tam de hominibus quam de iumentis mea sunt enim omnia

(Exo 12:14–20 )

Exo 13:3

Exo 13:3et ait Moses ad populum mementote diei huius in qua egressi estis de Aegypto et de domo servitutis quoniam in manu forti eduxit vos Dominus de loco isto ut non comedatis fermentatum panem

Exo 13:4

Exo 13:4hodie egredimini mense novarum frugum

Exo 13:5

Exo 13:5cumque te introduxerit Dominus in terram Chananei et Hetthei et Amorrei et Evei et Iebusei quam iuravit patribus tuis ut daret tibi terram fluentem lacte et melle celebrabis hunc morem sacrorum mense isto

Exo 13:6

Exo 13:6septem diebus vesceris azymis et in die septimo erit sollemnitas Domini

Exo 13:7

Exo 13:7azyma comedetis septem diebus non apparebit apud te aliquid fermentatum nec in cunctis finibus tuis

Exo 13:8

Exo 13:8narrabisque filio tuo in die illo dicens hoc est quod fecit Dominus mihi quando egressus sum de Aegypto

Exo 13:9

Exo 13:9et erit quasi signum in manu tua et quasi monumentum ante oculos tuos et ut lex Domini semper in ore tuo in manu enim forti eduxit te Dominus de Aegypto

Exo 13:10

Exo 13:10custodies huiuscemodi cultum statuto tempore a diebus in dies

Exo 13:11

Exo 13:11cumque introduxerit te in terram Chananei sicut iuravit tibi et patribus tuis et dederit eam tibi

Exo 13:12

Exo 13:12separabis omne quod aperit vulvam Domino et quod primitivum est in pecoribus tuis quicquid habueris masculini sexus consecrabis Domino

Exo 13:13

Exo 13:13primogenitum asini mutabis ove quod si non redemeris interficies omne autem primogenitum hominis de filiis tuis pretio redimes

Exo 13:14

Exo 13:14cumque interrogaverit te filius tuus cras dicens quid est hoc respondebis ei in manu forti eduxit nos Dominus de Aegypto de domo servitutis

Exo 13:15

Exo 13:15nam cum induratus esset Pharao et nollet nos dimittere occidit Dominus omne primogenitum in terra Aegypti a primogenito hominis usque ad primogenitum iumentorum idcirco immolo Domino omne quod aperit vulvam masculini sexus et omnia primogenita filiorum meorum redimo

Exo 13:16

Exo 13:16erit igitur quasi signum in manu tua et quasi adpensum quid ob recordationem inter oculos tuos eo quod in manu forti eduxerit nos Dominus de Aegypto

(Exo 40:34–38; Num 9:15–23; 1Ki 8:10, 11 )

Exo 13:17

Exo 13:17igitur cum emisisset Pharao populum non eos duxit Dominus per viam terrae Philisthim quae vicina est reputans ne forte paeniteret eum si vidisset adversum se bella consurgere et reverteretur in Aegyptum

Exo 13:18

Exo 13:18sed circumduxit per viam deserti quae est iuxta mare Rubrum et armati ascenderunt filii Israhel de terra Aegypti

Exo 13:19

Exo 13:19tulit quoque Moses ossa Ioseph secum eo quod adiurasset filios Israhel dicens visitabit vos Deus efferte ossa mea hinc vobiscum

Exo 13:20

Exo 13:20profectique de Soccoth castrametati sunt in Etham in extremis finibus solitudinis

Exo 13:21

Exo 13:21Dominus autem praecedebat eos ad ostendendam viam per diem in columna nubis et per noctem in columna ignis ut dux esset itineris utroque tempore

Exo 13:22

Exo 13:22numquam defuit columna nubis per diem nec columna ignis per noctem coram populo

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.